Hot Pot 熱‧海鮮火鍋私房菜 (已結業)

叫左抵食2人餐,大概700蚊包埋呢度所有野,仲可以選唔同既組合。我加錢叫左個黃金龍蝦湯底,有大大隻龍蝦,勁多膏,肉質厚實,啖啖肉,仲要勁易拆。個湯底仲有薯粉,好多野食。然後叫左個蔬菜拼盤,d菜係打邊爐常見既菜,有生菜、娃娃菜、粟米、菇。好味道!另外叫左一碟手切安格斯牛小排,手切既口感好正,脂肪分佈均勻，軟嫩多汁,牛味重!炸魚皮又係勁脆勁大碟!叫左手打墨魚丸同埋手打蝦丸,手打既丸口感一流,好味!我叫左紅薯粉,但其實可以叫烏冬,因為本身湯底已跟左紅薯。呢個餐仲有2罐可樂添!中意呢度用實惠既價錢試到好多野!岩晒2個人食!同埋服務好,姐姐好快幫我清走d碟。呢度既畫好有香港既特色!正!