影片
更多
2017-08-02
296 瀏覽
生日，與前公司８月的生日女孩一起來個ＥＡＲＬＹ ＤＩＮＮＥＲ。要來到這裡，先要從灣仔鬧市中穿梭，抬頭找到一個小招牌，再走上一幢小唐樓，沿著指示，就如走進時光隧道，彷彿回到了古早年代的台灣，古雅優美。影相位多，呃ＬＩＫＥ一流！這裡播放着幾十年前的樂曲，員工多為台藉，侍應溫柔的「請進來哦、慢用哦、ＸＸＸ＋哦」為我們帶來極大的古早台灣味道！晚餐分為「木、十、豆、寸」，我們叫了個「木」餐，另加個麵、小食、飲料：「木」餐（＄１９９）：前菜，一客３款★ ★ ★／５：量少，我口大，每款只是一口份量。但平常心想屬正常，醃漬無可能大量進食。百香青木瓜：清新無澀味，酸酸甜甜，好開胃古早味菜脯：爽脆，咸香，濃郁醃漬番茄：香甜清新，以鹽糖醃製木瓜湯★ ★ ★ ★／５：清甜滋潤，無味精！套餐可揀！幾好！宮保皮蛋牛肉★★／５：宮保雞丁好常見，但宮保皮蛋牛肉就比較罕見！宮保香氣撲鼻，皮蛋做成宮保口味，有創意，超級過癮！但牛肉味淡，口感較硬。麻醬麵★ ★ ★／５：麻醬幽香，配上爽脆青瓜絲，感覺清怡，拉麵充滿彈性價錢平，單價＄３８，鐘意麻醬既朋友仔可以試試。以下為單叫食物，套餐不能配搭：春村拌麵（＄３８）★ ★★ ★／
要來到這裡，先要從灣仔鬧市中穿梭，抬頭找到一個小招牌，再走上一幢小唐樓，沿著指示，就如走進時光隧道，彷彿回到了古早年代的台灣，古雅優美。影相位多，呃ＬＩＫＥ一流！
這裡播放着幾十年前的樂曲，員工多為台藉，侍應溫柔的「請進來哦、慢用哦、ＸＸＸ＋哦」為我們帶來極大的古早台灣味道！
晚餐分為「木、十、豆、寸」，我們叫了個「木」餐，另加個麵、小食、飲料：
「木」餐（＄１９９）：
前菜，一客３款★ ★ ★／５：
量少，我口大，每款只是一口份量。但平常心想屬正常，醃漬無可能大量進食。
百香青木瓜：清新無澀味，酸酸甜甜，好開胃
古早味菜脯：爽脆，咸香，濃郁
醃漬番茄：香甜清新，以鹽糖醃製
木瓜湯★ ★ ★ ★／５：
清甜滋潤，無味精！套餐可揀！幾好！
宮保皮蛋牛肉★★／５：
宮保雞丁好常見，但宮保皮蛋牛肉就比較罕見！
宮保香氣撲鼻，皮蛋做成宮保口味，有創意，超級過癮！
但牛肉味淡，口感較硬。
麻醬麵★ ★ ★／５：
麻醬幽香，配上爽脆青瓜絲，感覺清怡，拉麵充滿彈性
價錢平，單價＄３８，鐘意麻醬既朋友仔可以試試。
以下為單叫食物，套餐不能配搭：
春村拌麵（＄３８）★ ★★ ★／５
比麻醬麵更好食，拉麵充滿彈性，材料豐富，有滷肉碎，肉片，滷水蛋。
汁夠多，唔會撈到乾曾曾！
肉碎量多，肉粒大，有口感，好好味！
剝皮辣椒雞湯（＄４５）★ ★★ ★ ★／５
經典台式湯品～
飄香四溢，有幾舊滑雞肉。以清雞湯作基底，帶強烈椒香，輕微辣感，好特別！好飲！
清潤補身！
煎豆腐（＄４５）★ ★ ★ ★ ★／５
很有驚喜！並唔係普通炸豆腐，食落好細滑，似玉子豆腐，但又出奇地有蛋香！
原本心諗細細舊，好似少貴，但質素對得起呢個價錢！
黑糖桂圓紅棗薑母茶（＄４８）★ ★★ ★／５
黑糖桂圓紅棗薑母茶，周街都好易飲到，但呢度既算俾到驚喜！
紅棗乾烘到脆卜卜，好似薯片咁脆，好特別，加上熱烘烘既薑母茶，補身又好味
好適合女仔呀！
小餅乾（＄０）★ ★ ★ ★/５
是桂圓紅棗薑母茶配送的小三層酥，就係方塊酥的味道，勝在一口ＳＩＺＥ，易入口。唔錯～
熱鮮芋拿鐵（＄４２）★ ★★ ★ ★／５
即係鮮芋奶，超驚喜，好好飲！！！必叫！！！鮮芋香甜又唔會蓋過鮮奶味～
一粒粒軟棉棉鮮芋，浮沈在香濃的鮮芋鮮奶中拿鐵，
飲每一口都有香甜既芋頭肉，好味！
鮮芋千層蛋糕（＄４２）★ ★／５
看上層層分名，以為口感會好有層次，但放入口卻係融為一體，普通至極。
鮮芋是存在，但弱。
幸好有側邊的焦糖漿點綴一下，為蛋糕挽回一Ｄ分數，合格。
題外話/補充資料：
建議：餐廳可以光返少少＋唔好漏單
(以上食評乃用戶個人意見 , 並不代表OpenRice之觀點。)
張貼
