The Old Book Store by The So Lonely Club

營業中

休息中

去完Sogo掃貨，喺附近隨便轉轉搵到呢一間美輪美奐嘅餐廳，有着好特別嘅名字《The old book store》。推門入內發現餐廳係英倫風設計，格調同用色超美， 每個角落都花咗心思，隨便影都好靚。以書店為題，更添一絲文化氣息。📚 坐喺落地大玻璃旁，有綠植作伴，享用精緻嘅餐點，一直都係我心目中完美嘅畫面。🤍鹹蛋黃香茅雞翼鹹蛋黃鋪滿係每隻脆炸雞翼上。 咬一口，鹹香味同雞翼嘅油脂滿溢，齒頰留香🤤 可以話係我食過最好食嘅鹹蛋黃雞翼呀。🤍白切慢煮八爪魚配秘製酸辣醬汁八爪魚片片爽口彈牙，不過其實個酸辣醬汁先係靈魂所在。前調係酸味，後調嘅鮮辣會慢慢滲出，係對味蕾嘅驚喜。 🤍蜜味酸辣豬肋骨慢煮出嚟嘅豬肋骨肉質軟淋，燒製過後，焦糖香滲入肉內。伴碟嘅薯條正正常常，勝在大條厚肉。