影片
更多
2017-04-23
836 瀏覽
午餐又係時候試試新意思犒賞一下自己。 大廈後門裝修左閘門同掛左招牌、雖然唔係大街，但都唔算唔起眼。 成間舖既裝修都好似80年代既書房咁，影相位唔少，但既然係lunch hour 當然無咁多時間可以慢慢影哂啦。 今日叫左兩樣野，麻醬麵套餐同擔仔麵套裝，另外追加左一個花生小魚炒山蘇。 擔仔麵套餐除左3小碟醃配菜、仲有一碟滷味雜錦。滷味雜錦真係夠多選擇，有海帶結，豆乾，豬耳，蘿蔔，牛同滷蛋。 整體黎講有滷味既香味，但個陣咸味就唔太濃。 當然係唔夠台灣夜市啲滷味咁好味既，但以係香港食到既黎講算唔差。 麵上面有啲好似肉臊咁既野，但係得好少，然後仲有啲貢丸。 湯底類似係豬骨湯，偏濃味。 麵條有啲似山削麵，所以唔會話好彈理牙，但都幾索湯，唔錯。 另一個麻醬麵套餐，同樣有3小碟醃料，另跟一個貢丸湯。雖然大家都落貢丸，但呢個清湯同個擔仔麵套餐既湯係唔一樣既手，呢個偏清甜，可能係想中和返麻醬麵屬於偏濃既口味。 麻醬麵最欣賞既係佢無蛋絲同紅蘿蔔絲，因為我唔食🙈，變左成碟真係可以拌均慢慢吃，啲汁都係足夠拌哂，唔會太多浸住個麵，但又唔會話唔夠好乾，唔錯。 最後既係花生小魚炒山蘇，首先，望落個樣亮立立，因為真係幾
大廈後門裝修左閘門同掛左招牌、雖然唔係大街，但都唔算唔起眼。
成間舖既裝修都好似80年代既書房咁，影相位唔少，但既然係lunch hour 當然無咁多時間可以慢慢影哂啦。
今日叫左兩樣野，麻醬麵套餐同擔仔麵套裝，另外追加左一個花生小魚炒山蘇。
擔仔麵套餐除左3小碟醃配菜、仲有一碟滷味雜錦。滷味雜錦真係夠多選擇，有海帶結，豆乾，豬耳，蘿蔔，牛同滷蛋。 整體黎講有滷味既香味，但個陣咸味就唔太濃。 當然係唔夠台灣夜市啲滷味咁好味既，但以係香港食到既黎講算唔差。 麵上面有啲好似肉臊咁既野，但係得好少，然後仲有啲貢丸。 湯底類似係豬骨湯，偏濃味。 麵條有啲似山削麵，所以唔會話好彈理牙，但都幾索湯，唔錯。
另一個麻醬麵套餐，同樣有3小碟醃料，另跟一個貢丸湯。雖然大家都落貢丸，但呢個清湯同個擔仔麵套餐既湯係唔一樣既手，呢個偏清甜，可能係想中和返麻醬麵屬於偏濃既口味。 麻醬麵最欣賞既係佢無蛋絲同紅蘿蔔絲，因為我唔食🙈，變左成碟真係可以拌均慢慢吃，啲汁都係足夠拌哂，唔會太多浸住個麵，但又唔會話唔夠好乾，唔錯。
最後既係花生小魚炒山蘇，首先，望落個樣亮立立，因為真係幾多油。 繼而食入口都覺得佢滑溜溜，但唔會有成口油既感覺。 我覺得啲花生唔夠脆，仲有條小魚其實唔係好小。我幻想中既小魚係佐酒小食啲銀魚仔咁細，但佢呢啲都有大成個double 。不過呢，咬落就腥左啲，所以咬開左就食唔到落去喇。
總的來說，有機會會試下其他餐點同飲品。 仲有啲餐具，筷子同匙羹上面都刻有唔同既字，拼埋一齊相當有趣。
張貼
