Terrace in seaside (屯門市廣場1期)

營業中

休息中

難得收早，去市中心睇下有咩好食都好，係GU個層，呢間terrace in seaside全店採用橙橙做主題，好似好好味咁喎！好，坐低睇下有咩好食先。香橙茴香沙律，首先黎個清爽沙律開開胃，蝦大大隻，沙律菜新鮮，橙又甜甜。菠菜雞肉千層麵，烘到熱辣辣千層麵，每層都好薄，夾住芝士、菠菜、雞肉餡料，口感豐富又有層次。韓式魚糕飯卷，魚糕彈彈，咬落去索索聲甘荀，成個飯卷好有咬勁，仲有粒粒分明飯粒唔黏牙。紅豆抹茶牛乳冰，好香濃既抹茶味，加上無甜配合牛乳，飲落唔覺膩。濟州柑橘乳酪，估唔到有造型得黎又幾好飲，個種酸酸甜甜感覺好freshHappy 瓜lloween 焙茶窩夫，個窩夫好香食落半脆半軟，個cream好滑，同窩夫一齊食好夾。