犀牛廚房 (裝修中)

04 Easy Breakfast 牛角包，炒蛋，意式香草腸（$42）另加薯餅。牛角包🥐唔算好大個，有焗返熱上碟，都食到牛油味同脆口層次，如果有Jam配埋就更好。意式香草腸個味道就麻麻，唔係幾鍾意個香草味同豬味，prefer 普通腸仔或司華力腸。06 Macaroni in Tomato Soup 配炒雜菌，炒蛋，厚多士 ($40)。蕃茄湯飲得出係用茄膏整嘅，所以蕃茄味好濃，入面有洋蔥蕃茄粒，配料都夠。炒雜菌用牛油炒，所以都有少少鹹味，炒蛋唔會好多油，食得出一層層既感覺。坐得咁舒服嘆番杯咖啡☕️，真係Good day難得地點方便，係對住個垃圾房感覺差少少，不過冇任何異味，室內環境非常乾淨。Coffee latte，跟餐加少少錢飲到杯靚咖啡，really make a good day。