影片
更多
2022-07-01
89 瀏覽
最近留意到觀塘有間新新地嘅fusion點心舖，有兩隻吉祥物（龍師傅同點點），裝修新穎可愛，環境新淨光猛呢日咁啱約咗朋友出觀塘配眼鏡，一於去嘆杯早茶，食個包先😌🔸一龍大滿足(order一籠可以試到6款點心，大🈵足)1️⃣蟹粉菠菜香蝦餃: 呢款最得我歡心🥇，蟹粉味香，又有三文魚籽，仲為我提供少量蔬菜攝取量2️⃣松露野菌晶瑩餃: 紫色嘅餃皮夠吸睛，咬開松露味濃郁，係我第二至愛🥈3️⃣酸菜魚鳳眼餃: 酸菜味突出，件魚都大舊㗎，少少辣幾開胃4️⃣豌豆桃子: 淡淡地嘅青綠色包皮感覺清新，味道有啲似班蘭味，如果個餡可以做到流心效果會更好5️⃣筍尖蝦餃皇: 水準達標6️⃣糯米燒賣: 朋友鍾意食有糯米嘅點心（糯米卷、珍珠雞等等），佢二話不說一口就將佢擺落口 😂🔸口水汁龍脷柳魚腸粉呢個組合好特別，出面未試過腸粉嫰滑，口水汁香辣惹味龍脷魚柳本身味淡，用口水汁去襯佢效果唔錯腸粉下面仲有大量青瓜絲，幫助中和口水汁嘅辣，亦為呢朝嘅早茶提供蔬菜攝取量 🥒🥒🥒🔸馬拉小籠包小籠包皮薄，好似馬拉糕咁嘅色，賣相唔算吸引，但味道搭夠湯汁嘅肉骨茶味幾濃郁如果豬肉餡多番少少，就可以成為encore之選呢度嘅fusion點心幾特別，用料嘅組合好有創意、好
呢日咁啱約咗朋友出觀塘配眼鏡，一於去嘆杯早茶，食個包先😌
🔸一龍大滿足(order一籠可以試到6款點心，大🈵足)
1️⃣蟹粉菠菜香蝦餃: 呢款最得我歡心🥇，蟹粉味香，又有三文魚籽，仲為我提供少量蔬菜攝取量
2️⃣松露野菌晶瑩餃: 紫色嘅餃皮夠吸睛，咬開松露味濃郁，係我第二至愛🥈
3️⃣酸菜魚鳳眼餃: 酸菜味突出，件魚都大舊㗎，少少辣幾開胃
4️⃣豌豆桃子: 淡淡地嘅青綠色包皮感覺清新，味道有啲似班蘭味，如果個餡可以做到流心效果會更好
5️⃣筍尖蝦餃皇: 水準達標
6️⃣糯米燒賣: 朋友鍾意食有糯米嘅點心（糯米卷、珍珠雞等等），佢二話不說一口就將佢擺落口 😂
🔸口水汁龍脷柳魚腸粉
呢個組合好特別，出面未試過
腸粉嫰滑，口水汁香辣惹味
龍脷魚柳本身味淡，用口水汁去襯佢效果唔錯
腸粉下面仲有大量青瓜絲，幫助中和口水汁嘅辣，亦為呢朝嘅早茶提供蔬菜攝取量 🥒🥒🥒
🔸馬拉小籠包
小籠包皮薄，好似馬拉糕咁嘅色，賣相唔算吸引，但味道搭夠
湯汁嘅肉骨茶味幾濃郁
如果豬肉餡多番少少，就可以成為encore之選
呢度嘅fusion點心幾特別，用料嘅組合好有創意、好有新鮮感，呢日只係試咗3籠點心，仲有好多想試，下次要再嚟試多幾款先得～ 龍蝦汁墨魚燒賣、脆脆富貴紅米腸粉、鳳尾蝦多士、一口鹹水角、肉鬆馬拉糕……
順帶一提，幾欣賞《龍點心》落單嘅app，除咗版面設計精美之外，每一項點心都有簡單資訊講吓用咗乜嘢材料，同埋致敏原信息，好細心呢❣️
張貼
