影片
更多
2018-12-03
1715 瀏覽
或者好多人都知呢間燒肉，甚至食過添，咁唔知你地會唔會好似我咁食過番尋味呢。餐廳位於尖沙咀，另一間分店將會係銅鑼灣再開，港島區既朋友仔要留意啦，講番呢間尖沙咀分店先，位於K-11附近，交通黎講真係好方便，如果你有慳家但間唔中又想豪氣一次既朋友仔，👦🏻就建議你地揀午市時間黎試，因爲佢有唔同既午市套餐，無論份量定價錢上都係物超所值（P.S. Last order時間係14:30），想食既朋友仔唔好太遲先到啦。一入到餐廳，店員安排左我地坐窗邊，望住一整片落地窗黎食燒肉真係一大享受，檯面上放住一個細細地既爐可以俾你自己落手燒肉，每個爐上面都有一管抽油煙機，所以唔洗擔心食完會好大陣燒烤味，當然店舖仲有啲貼心既服務，例如打開張凳就會係一個可以放袋既儲存空間，每位客人都有一塊黑色圍裙防止彈到成身都係肉汁。講番食物啦，午餐時間總共有6款燒肉套餐同6款非燒肉套餐，可以滿足到唔同既朋友仔，我地個日就叫左4個燒肉套餐，分別係特上牛肋肉御膳$128、牛胸腹肉御膳$128、肉大盛既燒肉御膳$118（牛肋肉、豬頸肉、雞肉、黑豚腩肉、牛舌）同埋三點盛御膳$85（豬頸肉、雞肉、黑豚腩肉），每個套餐都包埋白飯、湯、韓式野
餐廳位於尖沙咀，另一間分店將會係銅鑼灣再開，港島區既朋友仔要留意啦，講番呢間尖沙咀分店先，位於K-11附近，交通黎講真係好方便，如果你有慳家但間唔中又想豪氣一次既朋友仔，👦🏻就建議你地揀午市時間黎試，因爲佢有唔同既午市套餐，無論份量定價錢上都係物超所值（P.S. Last order時間係14:30），想食既朋友仔唔好太遲先到啦。
一入到餐廳，店員安排左我地坐窗邊，望住一整片落地窗黎食燒肉真係一大享受，檯面上放住一個細細地既爐可以俾你自己落手燒肉，每個爐上面都有一管抽油煙機，所以唔洗擔心食完會好大陣燒烤味，當然店舖仲有啲貼心既服務，例如打開張凳就會係一個可以放袋既儲存空間，每位客人都有一塊黑色圍裙防止彈到成身都係肉汁。
講番食物啦，午餐時間總共有6款燒肉套餐同6款非燒肉套餐，可以滿足到唔同既朋友仔，我地個日就叫左4個燒肉套餐，分別係特上牛肋肉御膳$128、牛胸腹肉御膳$128、肉大盛既燒肉御膳$118（牛肋肉、豬頸肉、雞肉、黑豚腩肉、牛舌）同埋三點盛御膳$85（豬頸肉、雞肉、黑豚腩肉），每個套餐都包埋白飯、湯、韓式野菜、泡菜、韓國紫菜，另外+$5就有幾款冷熱飲品，所以👦🏻話呢間野真心幾抵食。
試勻曬咁多塊肉之後，👦🏻就覺得有三款特別推薦，分別就係特上牛肋肉、牛胸腹肉同埋豬頸肉，特上牛肋肉、牛胸腹肉兩個同等價錢既肉，牛胸腹肉會比較大塊，肉味方面兩種都好濃，但可能因為特上牛肋肉切得更均勻所以👦🏻覺得最正，入口更淋更好食；而豬頸肉亦係其中一個亮點，因為豬頸肉通常都有種騷味或者雪味，呢個無之餘，亦好爽口同好重豬肉味，推介各位鍾意食豬肉既朋友仔可以試下🤤
P.S.我地覺得佢Fusion既原因係因為佢聲稱黎自東京既大阪燒肉，然後佢既套餐入面又有韓式野菜、泡菜、韓國紫菜😂
「大阪燒肉」
每次都會透過以下6大方面評分(滿分:30分)
味道 : 4 / 5
環境 : 3.75 / 5
外觀 : 4 / 5
價錢 : 3 / 5
服務 : 3.75 / 5
回頭率 : 4 / 5
總分 : 22.5 / 30
性價比 :
店員細心既服務、舒服既環境同埋高質素既食物真係令到呢間餐廳值得咁高分既原因，尤其午餐既性價比真心高，當然價錢都屬於中價位，但間唔中想犒賞下自己既朋友仔，我一定會推薦呢間餐廳俾你地，另外佢仲有個要電話預訂既「大得驚人牛小排」，睇落都好吸引，下次要約朋友仔去挑戰🤤
張貼