影片
更多
2021-09-27
547 瀏覽
四季既Afternoon Tea似乎經常以節日或季節轉Menu，今次去見同之前見到既款式已經唔同，今次去係Colours of Autumn 主題既Afternoon Tea，採用左同秋天有關既食材。《Savoury》（$698 for two)❁意式焗松露蛋餅伴風乾火腿·藏紅花蛋黃醬香草麵 包三文治❁刁草三文魚醬伴海蘆筍及威化薄片❁西洋菜及忌廉芝士青瓜三文治❁青豆鷹嘴豆泥撻伴醃椰菜花及南瓜籽鹹點整體都好精緻，尤其個松露蛋餅伴風乾火腿三文治，將蛋餅整成細細粒既星星，仲有藏紅花點綴，可見心思。其次我幾中意青豆鷹嘴豆泥撻，好少試到依個配搭，食落幾特別，調味調得唔錯，係我中意既口味。《Sweet》❁黑加侖子栗子忌廉泡芙❁無花果紅桑子榛子杏仁蛋糕❁柑橘朱古力撻❁威廉斯梨法式杏仁餅泡芙上既黑加侖子偏酸，不過栗子忌廉唔錯，好香栗子蓉味。無花果紅桑子榛子杏仁蛋糕係我較喜歡既一款，紅桑子果醬既酸甜中和返榛子既甜味，外層仲有薄薄一層既白朱古力脆皮，味道幾有層次👍🏻柑橘朱古力撻朱古力非常濃郁，柑橘入口極juicy。 而梨形既Macaroon 外形精巧可愛，味道就冇太大驚喜，不過不失。《Signatur
《Savoury》（$698 for two)
❁意式焗松露蛋餅伴風乾火腿·藏紅花蛋黃醬香草麵
包三文治
❁刁草三文魚醬伴海蘆筍及威化薄片
❁西洋菜及忌廉芝士青瓜三文治
❁青豆鷹嘴豆泥撻伴醃椰菜花及南瓜籽
鹹點整體都好精緻，尤其個松露蛋餅伴風乾火腿三文治，將蛋餅整成細細粒既星星，仲有藏紅花點綴，可見心思。其次我幾中意青豆鷹嘴豆泥撻，好少試到依個配搭，食落幾特別，調味調得唔錯，係我中意既口味。
《Sweet》
❁黑加侖子栗子忌廉泡芙
❁無花果紅桑子榛子杏仁蛋糕
❁柑橘朱古力撻
❁威廉斯梨法式杏仁餅
泡芙上既黑加侖子偏酸，不過栗子忌廉唔錯，好香栗子蓉味。無花果紅桑子榛子杏仁蛋糕係我較喜歡既一款，紅桑子果醬既酸甜中和返榛子既甜味，外層仲有薄薄一層既白朱古力脆皮，味道幾有層次👍🏻
柑橘朱古力撻朱古力非常濃郁，柑橘入口極juicy。 而梨形既Macaroon 外形精巧可愛，味道就冇太大驚喜，不過不失。
《Signature Scones》
❁原味及提子鬆餅配傳統英式忌廉及自家製果醬
佢地既Scone 果然名不虛傳，外脆內軟，咬落非常脆😲 size 大大個，食完已經飽飽地😂 果醬有草莓同杏桃果醬，我中意杏桃多啲，清清甜甜，較為特別。Clotted Cream 就正正常常，冇太大驚喜。
《Tea》
❁海底椰香梨 （+$25）
❁薰衣草伯爵紅茶
揀左一款Home Crafted Hot Tea既海底椰香梨，非常清甜，其實似飲緊糖水多過茶🤣但味道唔錯，好香杏仁味，應該加左南北杏去煲，飲完有非常滋潤既感覺😀 另一款揀左其中一款Tea Signature 薰衣草伯爵紅茶，薰衣草香氣撲鼻，同Earl Grey好夾，茶味濃郁，同上一款截然不同，食完甜品好啱飲返杯茶會解膩好多👍🏻
張貼
