臺北棧 (荷李活道) (已結業)

中環半山區，都有好嘢食，上嚟半山區，我哋經自動電梯上到嚟。荷李活道一帶好多酒吧林立。夜晚更加興旺。今次晏晝上嚟 約朋友行一行，見有間check in咪入嚟check check佢啦，坐低兩支公，一個叫咗碗牛肉麵，刀削麵加溏心蛋。我叫個雙骨麵，豬軟骨鯊魚骨豆腐湯麵，軟骨同以前一樣好食嘅，一樣係刀削麵加糖心蛋 ，呢個都幾好食 。跟住呢個鹽酥雞三件酥皮薄，入口唔膩，六粒花枝丸，粒粒都咁大粒。炸得夠。爽脆。烏醋茄子茄子加烏醋都係好味小吃，傾下講下食下好快入口。飲嘢就一個珍珠奶茶，台式包裝，封頂，粗飲管，我就試下台灣南嘅冬瓜茶，清甜解熱。