Flames (鴻圖道)

營業中

休息中

今晚同幾位同事去咗公司樓下嘅 Flames 食晚餐，平時午餐已經好受歡迎，原來連晚餐都咁爆。餐廳有兩邊門口，近鴻圖道嗰邊有室外坐位，對於有車人士嚟講非常方便，坐響外面可以隨時望到自己架車，食得安心。我哋試咗幾樣嘢：- 香辣炸雞：外皮酥脆，雞肉鮮嫩，辣味主要來自醬汁，唔食辣嘅朋友也無需擔心。 - 蟹肉巴馬臣芝士蕃茄忌廉汁通粉：通粉滑潤，蟹肉爆多而鮮美，芝士汁濃郁但唔會過咸，真係好好味。- Aloha Pizza：手工薄餅底外脆内鬆軟，配料豐富，夏威夷風味的甜咸搭配得啱啱好。- 牛油烤蔬菜：色彩繽紛，配上濃郁牛油香，口感新鮮爽脆。- 巴馬臣芝士香烤粟米：粟米本身帶有天然嘅甜味，經過烤製後，甜味更加突出。仲有紅酒燴牛面肉草菇扁意粉、芝士蛋糕同飲品，各樣都好好味，Flames 嘅出品一向都唔錯。整體來講，呢間餐廳嘅食物同環境都非常滿意，期待下次再來聚會！