堤岸酒吧及餐廳

營業中

休息中

首先講下餐廳既環境，近窗邊嘅枱唔單止有海景，地方仲好寬敞舒適，配埋音樂真係好浪漫🌹今次呢我哋就食咗個three-course meal，揀咗兩個set ，分別係羊架同埋另外加咗$60叫牛扒同埋大蝦。頭盤呢係帶子三重奏，店員係送食物嘅時候會好清晰咁講解應該食邊一款帶子，總體來講呢，啲帶子都係好食同幾新鮮，同埋有唔同嘅種類唔同既食法。跟住呢就到龍蝦湯啦！龍蝦湯嘅味道呢有少少苦澀，感覺係將所有龍蝦嘅膏匯聚成一個湯，所以呢整體來講呢都係好濃郁嘅但係呢就偏鹹咗少少啦。最後呢就到我哋揀嘅兩個主菜。首先呢就係加咗$60大嘅牛扒加大頭蝦，大頭蝦呢佢本身個肉質都幾彈牙， 但係就冇好龍嘅膏同埋蝦味。相反個牛扒呢就非常唔錯啦，牛味好重，肉質都幾好，加埋佢配嘅醬汁味道非常之夾。另外呢羊架方面同樣好出色， 叫咗八成熟，肉質非常之鮮嫩唔會好硬，又唔會有好重既羊鮮味，個人呢就非常之喜歡啦。最後甜品方面呢亦都有廚師自己調製嘅薑汁雪糕配梳乎厘，誠意十足，薑汁雪糕嘅味道呢非常之特別，如果鍾意食薑味嘅人呢就好啱啦，始終係出面呢都未試過有薑味嘅雪糕🍦。 如果有節日想食間好啲嘅餐廳慶祝下呢，呢一間餐廳都係唔錯嘅選擇。