euro go go

營業中

休息中

琴日出糧，請呀妹落EURO GO GO食個LUNCH ，佢真係老實不客氣 ， 一黎就叫左個香辣意粉 ， 再點左個蒜茸包 ， 之後再點個田園沙律 ， OMG！而我就點了一個菠菜龍利柳意粉 。 首先上菜的是沙律 ，D菜幾新鮮同真係好甜 ， 可能因為我比較鍾意食魚既關係 ， 我覺得龍利柳意粉係最正 。 我亦試了兩啖香辣意粉 ， 感覺辣左少少 ( 可能我唔食得辣 ) 。之後再食蒜茸包 ， 因為剛剛辣完既關係 ，食完既感覺係再辣左D，但我眼見我妹既食相 ， 我諗食得辣既會覺得好好味 。 食完當我覺得飽曬之際 ，呀妹話見多件蛋糕食 ， 因為好似好令咁 ， 我頓時無言 。最後叫多件栗子芝士蛋糕 ， 蛋糕唔太甜 ， 有好重芝士味 ， 結果我食左大半 ， YUMMY！YUMMY！食物沒有太大問題 ， 但若果餐廳可以環保一點會比較好 。