euro go go

營業中

休息中

第一次食 pizza 啲材料係成隻蜆連埋殼🫨，從來都係攞起件 pizza 就直接放入口，冇諗過要蜆還蜆食， pizza 還 pizza 食，如果冇睇清楚就放入口，咁就真係連棚牙都俾埋佢😖PS：唔知有冇龍蝦 pizza，係咪都係原隻龍蝦連殼上🤤🤭

呢度食嘅焗意粉同埋Pizza甜品都唔錯價錢亦都好相宜, 叫咗個意粉加$10就可以有一份香蕉班cake，其實食完個意粉都好飽， 但係鍾意食甜品嘅我點可以錯過呢😙個意粉都唔錯呀芝士味同白汁加埋都好match

Eurogogo 係唔算好多既連鎖西餐店，屋企人嫌價錢略貴。老實講，佢晚餐既性價比係唔高，不過我經常黎食佢既早餐，推薦農夫比得包餐加通粉，個包好食，出邊餐廳比較少有，成日食港早ABC餐既令一好選擇。令一個近期常食係吞拿魚法包餐，因為即叫即整，每次上黎熱騰騰，加上吞拿魚都唔少，呢個餐就包埋個通粉，食埋啱啱好，惟一美中不足既係間野除左通粉之外無其他麵食類選擇，咁多年都係咁，唔知有無機會改進下呢不過連鎖店都應該好難有咩聽意見啦！

年三十早上，同朋友去元朗行山，行山前首要任務係醫飽個肚先！殊不知大部分餐廳已經收爐，我地左撲右撲先搵到位於元朗廣場嘅euro go go，驟眼睇門外嘅餐牌都幾吸引，於是我地決定食呢間。排咗大約十分鐘之後就可以入座，我地一行二人被安排坐喺一張窄窄嘅二人枱，張枱窄到放兩個餐都有啲困難，如果大動作啲一定好易倒瀉野。我地各嗌咗一個早餐C：火腿香腸鮮茄濃通粉配熱脆牛角包，跟一杯熱飲，盛惠$48。本身睇佢個餐牌，以為碟通粉會好大碟，點知碗口甚淺、份量極少；惟一嘅安慰係牛角包夠大件脆口，但整體嚟講仍然係偏貴，性價比低，用一句成語嚟概括：華而不實。

早餐我成日都會黎食農夫彼德包。所以一定要推薦下。再嘆埋杯咖啡，真係一份享受。坦白講，呢間野性價比不錯，一來成日有優惠券買，變相八，九折左右，當然有人會覺得給綁住，不過都要佢食得落口先得既，二來d位夠寬落。唔會轉身整到人。加埋一路食一路睇新聞，坐幾耐都得。講返個彼德包先，好健康，蔬菜搭配為主，d菜好新鮮，非常好食。我次次都食佢。有時比較餓，就會叫多個通粉，個通粉細細碗，容易入口，不過如果要食多d旣人，可能未必夠飽。

雖然晚市堂食已於早前恢復，不過我同家人因工作習性，一星期內大部分日子都會外賣自取，或用外賣平台外送直送到家。今次家人想食西餐，自然就會想到Euro gogo, 雖然元朗西餐的選擇真係唔少，不過我地都幾鍾意食Euro gogo的Pizza及雞翼，簡單之餘亦美味。咁啱見到部分的Pizza款式有折扣，所以決定叫2種pizza, 一份係我再加另外半份係家人，再加一份雞翼及煙肉芝士焗磨菇就夠晒。份量唔會太少，2個人其實啱啱好

Euro gogo學生時代回憶，當年平價西式之選，好耐都冇食過呢間，以前覺得好抵食，自助式唔駛等位 ☺️但依家人流限制餐廳只可入28人，排隊等左20分鐘先入得！叫左三款意粉味道不過不失，吞拿魚意粉口感比其他兩款佳，白汁同吞拿魚肉都叫正常份量。唔知點解佢呢度嗰卡邦尼一定要做到甘乾身、冇汁，唔係好啱大衆口味。過下口癮食半打薯蓉焗田螺，薯蓉吾夠淋冇汁好似壓碎嘅薯仔甘。兩款pizza 口感都普通，芝士蕃茄放啲蕃茄蓉上去有啲畫龍點睛感覺，唔放好過放。連鎖店式經營開業甘多年總有年青一代捧場客，如果要keep住客路，價錢方面及食物要注意保持優勢，吾係唔夠其他對手競爭。卡邦尼意粉$62芝士吞拿魚意粉$58菠菜汁魚柳闊條麵$70法式薯蓉焗田螺$48檸檬汁$25 同檸檬可樂$21Lunch meals:☺️❣️Spaghetti Carbonara withSmoked Ham & Bacon❣️Tuna with Cream Cheese Sauce❣️Fettuccine with Fish Fillet & Spinach Cream Sauce❣️Baked Escargots with Mashed Pot

Euro Gogo 素食選擇多， 整體來說抵食又美味整得一試。喜歡素百寶Pizza及黑松露小麥飯，很香在相薄附上相片參考。之前也試過忌廉湯，個湯很滿，可以兩個人分。最好食就是蒜蓉包，蒜蓉包很香，質感亦好。薯皮，無論是原味或者酸忌廉都很好味😋味道很濃郁，又夠飽肚。最初幫襯的時候，我們叫了一個素食百寶pizza. 店員遞上的時候發現是有腸仔的百寶，問我們是否素食者，因為其他全部也是素食。我們才發覺下單的時候沒有說明。店員很窩心地給我們叫廚房再做一個素食，心裏有點不好意思，因為下單的時候確實是我們沒有說明，店員說是他們沒有問清楚。這種服務態度真令我們給like👍🏻。

今晚用外賣平台叫咗euro gogo。以前幫襯通常會選擇堂食，因為熱辣辣會更加好味。不過呢兩年都習慣外賣。euro gogo我最鐘意食焗磨菇，雞翼同埋Pizza。雖然pizza的topping並唔算太多，但我認為味道方面，絕對優勝過其他的薄餅專門店。整體食物美味

今日又去咗呢間euro gogo食下午茶啦！呢度嘅種類好多，而且仍然有下午茶嘅優惠非常吸引！每一次我都會食呢度嘅肉醬薯蓉，太好食啦！呢度嘅薯蓉份量適中，而且上面仲會有一對芝士超級邪惡好食！而且呢度嘅肉醬再加芝士加埋薯蓉一齊食味道超夾！食到好過癮！另外加多$10仲可以有鮮茄湯通粉！份量唔算好多，不過絕對係夠食！而且加埋用咗羅宋湯湯底，蕃茄味非常濃郁！而且呢個通心粉嘅口感都好好，比較爽口彈牙！如果以下午茶來講，份量真係完全夠晒食！成個下午茶連埋嘢飲都係$50唔使！！呢個下午茶真係冇得輸😍😍😍

平日多數黎euro go go食午餐，今次終於試到佢嘅下午茶小食餐。我地叫左個三式薯皮伴酸忌廉醬，佢有芝士吞拿魚，雞肉，芝士火腿粒，整得好香，配埋酸忌廉唔會好膩，味道好好又飽肚，同朋友share最好。另外叫左個蘋果脆脆，下面全部都係蘋果，覺得脆脆可以多返d，但都好味。加左杯chocolate tea latte，味道幾特別，唔會全部都係好濃朱古力味，飲品帶有茶味嘅。餐廳唔洗加一都幾推薦大家食，不過淨係接受現金付款。

元朗廣場餐廳唔算多，黎黎去去都係果幾間，今晚就黎左試呢間成十年無食過既餐廳。Eurogogo以前係沙田連城廣場有舖，差唔多成十年前食過，仲係用緊外賣鋁兜serve堂食的，味道印象中唔錯，幾懷念，所以今日黎食下，睇下味道係呢十年有無好似香港既時局有好大既轉變。首先，入到黎既環境比想象中舒適，記得沙田連城果間好鬼細，可能大西北地大，比較闊落。當時係平日夜晚7點度，唔算多人。嗌左個芝士吞拿魚意粉，＄56。加埋杯凍檸茶就＄82。個人就覺得野飲貴啦，好心你就整個set，送埋野飲啦，連熱飲都無。賣相一般，但食落唔錯。有d似茶記但又好食過茶記，eurogogo d野唔係話特別精緻，但每啖都好滿足。大碟、飽肚。岩自己一個人黎hea食或趕時間時食，搵朋友都得。凍檸茶都唔錯，唔會話太難飲，係貴左d。

由細食到大既EURO GOGO 係仔仔學校附近原來就有一間喇 今日同仔仔放學就去食左個lunch 😋我仔好鐘意pizza 、但得我地2個, 邊度食得晒⋯不過Euro gogo就有得叫半份pizza 喇 同仔仔2個人食啱啱好 千島醬海鮮pizza . 永遠都咁好味😋+$8 仲可以飲埋荔枝茶 好飲唔太甜 ～仔仔食完pizza 都話正可以多d黎食喇

平日行街總會有機會見到EURO GOGO 連鎖店，今日無plan同朋友仔食邊間餐廳，又突然好想食西式野，於是走左入元朗廣場呢間EURO GOGO首先，我地小試牛刀，叫左半份千島海鮮Pizza 我同友人都好鍾意佢薄薄既餅底，唯獨芝士比例大過千島醬，有d扣分啦2/5。主角出場！然後我地叫左人氣乳酪薯皮Set一碟有6件，分別係煙肉、雞肉同吞拿魚各兩件成個薯皮焗得夠乾身，內部薯肉又唔會太dry,仲keep到軟綿綿質感，配埋熔化左既芝士+少酸味既希臘乳酪醬真係令食慾大增4/5。如果有機會去Eurogogo 食野，推薦大家要一試佢既薯皮呀

美味指數：🌕🌕🌕🌕🌑-千島海鮮pizza $98配田園沙律+野飲一杯Pizza好香好好食 好多醬汁😋好惹味-下午茶餐🍽：密糖雞翼套餐$48配野飲雞翼甜甜地好開胃好好食 又唔會太乾😍好推薦-意式鮮蔬蛋批餐$46配野飲呢個我就唔太中意 因為唔太香 只配青瓜同少量蔬菜 比較單調