Espuma (M88)

營業中

休息中

上次晚餐時間去過espuma尖沙咀店，今次假日午後到訪中環店食tea，店內裝潢色彩繽紛，充滿西班牙風情；同時景色開揚，落地大窗透進自然光，望到有百年歷史聖母無原罪教堂、禮賓府等建築。 ♙ afternoon tea set $338 以情人遊天地作主題，配合環遊世界既概念，食得又玩得。巨大水晶球內蘊藏住各款精緻食物，並標示係尋寶圖上面，只要用餐廳提供既放大鏡就知有咩食，情侶、閨蜜打卡一流，用一餐tea既時間就可以環遊世界。﹆ savory𖦹 牛肉焦糖洋蔥薄脆多士𖦹 椰絲照燒雞鎚𖦹 炸墨魚卷伴泰式辣醬𖦹 青檸七味蝦撻﹆ sweet𖦹 爆脆芝麻英式鬆餅 𖦹 熱情果芒果雪葩香檳 𖦹 腰果忌廉抹茶朱古力餅𖦹 薩赫提拉米蘇𖦹 芒果蛋糕卷 鹹點以炸墨魚卷、青檸七味蝦撻最出色，前者墨魚味突出，後者食落口感豐富；甜點則以酥脆、富芝麻香既英式鬆餅、以及易入口、果味香甜濃郁既雪葩香檳最令人印象深刻。﹆招牌水果茶 ＋＄15﹆熱情果烏龍茶 ＋＄15兩款都有好多果肉，但更喜歡茶味濃嘅熱情果烏龍茶 。♙ 虎蝦牛油果醬烏冬 148虎蝦爽口，烏冬滑溜，掛滿綿密既牛油果醬，家母讚不絕口。