炑八韓烤 (屯門市廣場2期)

營業中

休息中

韓風愈吹愈猛，群眾熱情不減，呢間舖頭都幾把閉，分店越開越多，仲開到入黎屯門，之前同朋友食過OK，今日就叫埋屋企人一齊黎encore，叫左以下幾樣野食：1.     水冷麵 $88視覺上已經非常解暑，鮮甜之外仲有清清果香，麵條滑，小碎冰、湯汁、蒿麥麵一齊送入口，冰鎮後更加Q彈，酸甜開胃。2.     宮廷冷麵 $128冷麵其實係黎自朝鮮李氏王朝既宮廷飲食，麵條十分有嚼勁，同一般拉麵口感唔同。老豆係拉麵迷，去到邊都好頑固咁要點拉麵食，不過見到呢個咁有視覺效果的冷麵也忍唔住要試，仲話好味添。3.     醬油蟹 $198醬油蟹鹹鮮香糯，充滿海洋既味道同醬油香。跟足韓國人食法，就係將紫菜飯拌入蟹蓋，加D醬油，令每啖飯都吸盡蟹香。蟹膏都算飽滿，醬油既鹹同蟹既鮮都食到，肉質creamy。4.     海鮮煎蔥餅 $88又大又厚實既蛋餅，裡面有鮮蝦、海蜆等海鮮，成塊蔥餅舖滿長長既蔥，食起上黎滿口都係蔥味，十分香口。5.     芝士熔岩飯 $128係泡菜炒飯旁倒入大量芝士，利用鐵板既熱力將芝士整溶，然後將所有食物拌勻享用，就係咁簡單，好似睇住熔岩奇觀。