NINETYs Roastery

營業中

休息中

Side dishes有分海鮮類、蔬菜類、蛋類、肉類同埋奶類製品，每個類別都有至少四個選擇，部分項目要加錢，唔需要限每類一款，喜歡的話揀哂同一類甚至同一項目揀四次都得🤣(應該無人會咁），總之自由度極高！我哋兩個人選擇share食，可以食到八款呢！

3 瀏覽

以下為今日所選：
1.海膽炒蛋
店員介紹話用日本高級蘭王蛋，加上海膽，所以個色炒出黎都晒偏橙，海膽嘅味道洋溢着，而且炒蛋好大碗，所以我覺得好抵食，又炒得夠香，好好食，美中不足係俾我食到有啲蛋殼

5 瀏覽

2.油封鴨腿配橘子醬
鴨腿啲肉好鬆軟，一切就開，烤得好香，同時配上甜中帶澀的橘子醬，相當特別

3.藜麥蘑菇沙律
以雜菇為主，混左醋和藜麥，健康又開胃，仲有好靚嘅花作配襯

4.麵豉湯青口
青口雖然唔係好大隻，但煮得剛剛好唔會癡晒牙，應該都有10隻，反而好欣賞佢個麵豉湯，清得來好味，甚至比我揀黎做麵湯底嘅麵豉魚湯更好味

3 瀏覽

5.黑毛豬叉燒配焦糖蘋果
呢個西式叉燒唔能夠同中式叉燒相比，我自己就鍾意後者比較香口，呢個就一般啦，不過個焦糖蘋果反而有幾鍾意，甜得來又唔漏，幾好

6.西柚汁雞扒
塊雞係煎得幾靚嘅，雞肉夠滑，雞皮夠脆，加埋個汁酸酸甜甜都幾好味

7.鱈魚配檸檬唔知咩醬
呢個魚都相對淡d，個醬唔係好幫到，但起碼佢唔會煎到散晒，魚肉都係彈牙實淨嘅

8.醉蟹鉗
有3隻，唔大隻，亦唔係好醉，感覺一般

1 瀏覽

主菜方便我哋梗係一個要面一個要麵包，面嘅話淨係揀湯底就可以，我所揀嘅係麵豉魚湯，加咗黑白芝麻好香，但我感覺偏鹹咗少少，如上面所講，我喜歡普通嘅麵豉湯多啲，至於麵質都不過不失，份量唔算好多，但配合四個side fishes,其實相當足夠

4 瀏覽

至於麵包，就可以四選二，可以無限添食，我話想試晒四款，店員都照俾我，服務一流！四款包裏便我第一喜歡係朱古力丹麥酥，朱古力味唔會太濃，但係點綴一下比較好味。第二可以選擇sourdough，輕輕的酸味令人更開胃，而且天然健康。另外嗰兩款其實唔差，佢全部包都烘得外脆內軟，做得好好，只不過我覺得檸檬嗰個檸檬味唔夠香，感覺單調咗啲，至於第四款係麥包類別，我個人來講就一般喜歡。