EL CID西班牙餐廳 (已結業)

今晚收工去波之前食返餐西班牙菜，地點選址為尖沙咀天文台道諾士佛臺既EL CID西班牙餐廳。成條街行到最入就啱。餐廳裝修以紅色為主，好似置身西班牙。餐牌有海鮮，頭盤，主菜，西班牙焗飯，意粉，多士，湯，冷盤沙律，飲品等等。今晚第一次黎，先試試Special Tapas。Lobster Bisque $90 另加一龍蝦湯一大盅上枱，仲有酥皮，不過似麵包皮多d，都好薄又脆。個湯色水呈紅色，味道唔錯，熱辣辣，入面仲有一件龍蝦肉。Pan Fried Duck Liver $160 另加一煎得少少外脆內滑既鴨肝放係一塊香脆多士上面，再加一片無花果同沙律菜減低油膩感，伴有一小條紅椒。味道唔錯，熱辣辣上枱。Lamp Chop $198 另加一餐牌寫明兩件羊架。擺盤都唔錯，兩件羊架肉質粉嫩，羶味唔重，伴有好多脆脆，好香口。另外伴有薄荷醬同黃色芥末。入面燈光昏暗，點住蠟燭，好有氣氛。餐具都好有西班牙特色。服務員都係外藉人仕。