影片
更多
2010-01-24
57 瀏覽
之前都有去過佢哋既銅鑼灣店，食物質素一向有水準，所以知道 i-square 開分店，就約埋朋友去呢度慶祝生日順便試試新店 ！！一入到店內最令人讚嘆既就係靚靚維港景啦, 店內環境都好好, 唔會覺得好迫、好嘈, 唔覺有油煙味，提供咗一個好舒適既環境比我哋一邊傾計，一邊享受一餐有水準既韓國菜 !!好彩我一早打咗嚟訂位, 仲要求咗窗口位，因為當晚到達時已滿座。 剛坐好侍應就送上一杯好好味既茶，向經理查問下原來係佢哋自家製既小麥加粟米煲成既茶，好香好好味。 跟住送上既係八小碟既前菜，最特別既係算係當中既 "碎牛肉餅" & "黑豆"，唔係一般韓國菜館可以食到既前菜，味道也不錯啊 ！燒烤方面, 我哋當晚點咗無醃牛肋骨，諗住無醃先可以試出係咪靚既牛肉，同食出牛肉本身既鮮味，結果真係冇揀錯，份量都幾多，抵食，而且非常好味，正、正、正 ！！ 另外，我哋仲點咗帶子，好鮮味，唔錯。除咗燒烤之外，我哋仲叫咗：韓式生牛肉 - 佢係以梨及蒜片拌生牛肉絲，好清爽，好好味，可惜冇影到相。 GOOD ! GOOD ! GOOD !牛肉炒粉絲 - 入味、爽口唔油膩，唔會食到成口油。朋友一食入口就馬上讚不絕口, 仲
一入到店內最令人讚嘆既就係靚靚維港景啦, 店內環境都好好, 唔會覺得好迫、好嘈, 唔覺有油煙味，提供咗一個好舒適既環境比我哋一邊傾計，一邊享受一餐有水準既韓國菜 !!
好彩我一早打咗嚟訂位, 仲要求咗窗口位，因為當晚到達時已滿座。 剛坐好侍應就送上一杯好好味既茶，向經理查問下原來係佢哋自家製既小麥加粟米煲成既茶，好香好好味。 跟住送上既係八小碟既前菜，最特別既係算係當中既 "碎牛肉餅" & "黑豆"，唔係一般韓國菜館可以食到既前菜，味道也不錯啊 ！
燒烤方面, 我哋當晚點咗無醃牛肋骨，諗住無醃先可以試出係咪靚既牛肉，同食出牛肉本身既鮮味，結果真係冇揀錯，份量都幾多，抵食，而且非常好味，正、正、正 ！！ 另外，我哋仲點咗帶子，好鮮味，唔錯。
除咗燒烤之外，我哋仲叫咗：
韓式生牛肉 - 佢係以梨及蒜片拌生牛肉絲，好清爽，好好味，可惜冇影到相。 GOOD ! GOOD ! GOOD !
牛肉炒粉絲 - 入味、爽口唔油膩，唔會食到成口油。朋友一食入口就馬上讚不絕口, 仲話終於知道咩係有水準同好食既韓國菜添 。
香煎辣泡菜餅 - 剛送上立即食，十分香脆呢，連朋友個囡囡都食得，只係少少辣咋，唔錯 ！ ！
飛魚籽雜錦石頭飯 - 因為朋友既囡囡鍾意食飛魚籽，所以我哋選咗呢個石頭飯，店員送上時係我哋面前即場調味拌好，有水準。
最後，就係送上每人一小碗冰凍既柚子蜜，為我哋呢個生日慶祝聚會畫上圓滿既句號。 朋友都好滿意呢餐飯，亦令我覺得冇介紹錯呢幾位朋友嚟呢到食飯呢！ ！ 而其中一位朋友返屋企後已馬上打電話訂位，預備相約家人到此店聚餐了。
張貼
