影片
更多
2022-01-16
285 瀏覽
Dear Neighbor朝早八點半開始營業，喺cafe林立嘅中西區算係相當早。店內裝修採用黑色工業風作為設計主調，擺設以簡約為主，整體令人感覺舒服。餐廳既食物選擇唔算好多，有all day breakfast 、daily pasta、沙律同三文治；而飲品就有比較多款式，咖啡除左standard款之外，仲有店主不定期推出既特調咖啡，值得一試；甜品方面就有唔同款式既toast同homemade dessert。______________________________All day breakfast ($90)店主表示每日嘅all day breakfast都會有少少唔同，而今日嘅炒蛋就由黑松露炒蛋轉左做芝士煙肉炒蛋。今日嘅all day breakfast有沙津、三文魚、蘑菇、香腸、炒蛋同牛角包。沙律配上紅醋汁，酸酸甜甜嘅味道相當開胃；炒蛋嘅芝士味唔會蓋過蛋嘅香味，煙肉亦令炒蛋嘅味道更加特別；牛角包烘成金黃色，外皮酥脆，可以稱得上係成個all day breakfast入面最出色嘅一樣野。Daily Pasta (牛肝菌蘆筍意大利粉) ($65）問起店主當日嘅daily past
______________________________
All day breakfast ($90)
店主表示每日嘅all day breakfast都會有少少唔同，而今日嘅炒蛋就由黑松露炒蛋轉左做芝士煙肉炒蛋。今日嘅all day breakfast有沙津、三文魚、蘑菇、香腸、炒蛋同牛角包。沙律配上紅醋汁，酸酸甜甜嘅味道相當開胃；炒蛋嘅芝士味唔會蓋過蛋嘅香味，煙肉亦令炒蛋嘅味道更加特別；牛角包烘成金黃色，外皮酥脆，可以稱得上係成個all day breakfast入面最出色嘅一樣野。
Daily Pasta (牛肝菌蘆筍意大利粉) ($65）
問起店主當日嘅daily pasta係咩，店主表示未有idea，好隨心咁諗起有咩就煮咩。意粉份量絕對對得住價錢：牛肝菌味相當濃郁，意粉汁嘅份量適中，食落唔會太濕；蘑菇份量亦適中，唔會食到最後冇晒；意大利粉相當掛汁，軟硬程度亦岩岩好，唔會overcooked。
Dirty ($55)
店主推薦隱藏menu中既其中一杯咖啡。Espresso同牛奶形成數層layers，但飲嘅時候並唔需要攪拌。最初會飲到順滑口感嘅espresso，酸味同苦味尚算平衡；中段espresso同牛奶慢慢融合，帶黎新嘅口感；後段嘅奶香香醇濃厚，為成杯dirty劃上句號。店主提到佢地用嘅係澳洲嘅牛奶，因此口感比較獨特。
Tiramisu ($55)
店主推薦隱藏menu中既另一杯咖啡。店主表示咖啡無加糖漿，就好似一杯飲得既tiramisu咁。咖啡由四層組成，飲落有陣好重既bailey味，但其實入面並無加到任何酒，只係用朱古力同奶去製造呢個效果。朱古力味好重好濃，但又唔會蓋過咖啡既香味。Tiramisu係一杯特別既咖啡，其他地方可能未必飲得到。
熱情果乳酪蛋糕 ($60)
蛋糕酸甜軟滑，入面嘅熱情果粒同熱情果籽令口感變得豐富，餅底牛油味香濃又唔會過膩，伴碟嘅藍莓較細粒但非常甜，絕對係誠意之作。
______________________________
平日黎到Dear neighbour可以好好享受到美食同店鋪嘅氣氛，空閒嘅時候店主仲同我地分享傾左好耐，能夠感受到佢嘅熱情。疫情之下，小店嘅生存空間愈黎愈狹窄，佩服店主仍然堅持落去，希望更多人願意花時間去尋找一啲值得我地支持嘅小店。
好食：7.5/10
價錢：7.5/10 (愈高分代表愈抵食)
舒適度：8/10
Book位：Phone
Dear Neighbor
營業時間：星期一全日休息，星期二至日 08:30 - 18:00
電話：60675007
地址：西環石塘咀保德街9-15號仁愛苑地舖
交通方式：黨鐵香港大學站 B2 出口, 步行約3分鐘
#hkfoodie #messwithfood_cafe #messwithfood_western #messwithfood_西環
張貼