蟹慶 (已結業)

第一次寫食評，值得支持既餐廳應該表揚下。老實講，我係被mileage campaign所吸引，呢個套餐都剛剛係4月推出。Cathay x 蟹慶既北海道活毛蟹套餐，性價比確實幾高。原隻北海道活毛蟹可以慢慢品嘗，師傅亦好細心將蟹鉗、蟹爪、蟹身剪開一半，不用自己用鉸剪。整個套餐質素都好好，特別推介係松葉蟹肉濃湯素麵，個湯濃稠得黎又覺得好清新，有驚喜。香港餐飲業正經歷寒冬，大家有能力都多啲支持本地餐廳，細心發現總有好選擇。