金金日式燒肉店

營業中

休息中

朋友岩岩係外國番泥，住係cwb，諗住近近地同佢係酒店附近食下飯，傾下計咁，上網搵到呢間啱啱新開既日式燒肉店，地理位置fit曬，係正怡和街，即係Sogo對面， 直接約左朋友係嗰到等。上到去3樓，都feel到唔似其他燒肉店，無乜油煙味又唔嘈吵，入面環境暗暗地，一張張卡位都幾闊幾舒服😌又聽唔到其他人講咩，都幾好到食物方面，呢度食物款式選擇都幾多，牛雞豬海鮮，羊肉都有，真係少見，同朋友都中意食烏冬，大家都肚餓，就叫左個一之藏烏冬頂下肚先，啲牛肉好嫩滑，同上面同松草花都好夾，食得岀個湯唔係味精湯得個咸字，面都夠彈牙，唔錯！再叫左個芝士櫻花黑豚肉卷，日本甜番薯同香草牛油大磨菇，芝士豚肉卷好重芝士味，燒到半融既芝士配合住半肥瘦既豚肉好正，又唔會太漏，岩岩好，甜番薯細細粒，好容易一粒接一粒擺落口，唔知點解又唔覺得好飽😂個大啡菇有surprise 好juicy 又有菇味，啲牛油有啲蒜味，令個菇味更有層次！香草牛油帆立貝係唯一叫既海鮮，大大粒帆立貝好新鮮，燒完岩岩好，又唔會太乾，又keep到鮮味，下次一定要再叫！