影片
更多
2022-08-05
565 瀏覽
之前路經銅鑼灣，見到一張poster 寫住$168，就可以食A5和牛肉眼扒，非常之吸引。趁今日可以準時收工即刻同朋友去咗試呢間金金燒肉。一入門口左手邊，有一間VIP房，好有日本庭院的感覺。而右邊入口就係餐廳位置，餐廳採用和式木係風格好鍾意佢啲燈，跟足日本風格，好似去京都時見到嘅古燈。 燈光柔和，好似去咗日本嘅感覺。日本產熊本A5和牛肉眼扒（原價$298，激安價 $168）店主將薄薄嘅肉眼扒切成四片。我哋好快唔夠5分鐘就食完，好唔夠喉。話明A5和牛，燒完後真係入口即溶啦。為咗唔比和牛喺燒嘅其間溶左係鐵網上面，隨碟附送一舊牛脂，比我哋擦喺鐵網上。28cm 壺漬牛肋骨肉 $138叫得呢個牛肋骨嘅朋友，都係為咗想打卡先叫。用個夾夾住真係有28 cm長，喺燒前要將肉浸落個汁上，之後先放落去燒。 唔好看佢好厚，但都好快燒熟。 燒熟後，就用鉸剪剪開一粒粒去食，口感非常彈食，牛味好夠。 汁已在燒嘅時候浸入牛肉內，已經唔需要再點汁，好夠味。日本黑豚肩胛肉$98切到一條條上碟，方便進食。豚肉脂肪比例平均，唔會好似豬腩肉咁肥到只有膏。 燒完之後，非常香口，好有豬肉味。網燒雞腿肉 $68雞腿肉已去雞皮。燒完後
一入門口左手邊，有一間VIP房，好有日本庭院的感覺。而右邊入口就係餐廳位置，餐廳採用和式木係風格好鍾意佢啲燈，跟足日本風格，好似去京都時見到嘅古燈。 燈光柔和，好似去咗日本嘅感覺。
日本產熊本A5和牛肉眼扒
（原價$298，激安價 $168）
店主將薄薄嘅肉眼扒切成四片。我哋好快唔夠5分鐘就食完，好唔夠喉。話明A5和牛，燒完後真係入口即溶啦。為咗唔比和牛喺燒嘅其間溶左係鐵網上面，隨碟附送一舊牛脂，比我哋擦喺鐵網上。
28cm 壺漬牛肋骨肉 $138
叫得呢個牛肋骨嘅朋友，都係為咗想打卡先叫。用個夾夾住真係有28 cm長，喺燒前要將肉浸落個汁上，之後先放落去燒。 唔好看佢好厚，但都好快燒熟。 燒熟後，就用鉸剪剪開一粒粒去食，口感非常彈食，牛味好夠。 汁已在燒嘅時候浸入牛肉內，已經唔需要再點汁，好夠味。
日本黑豚肩胛肉$98
切到一條條上碟，方便進食。豚肉脂肪比例平均，唔會好似豬腩肉咁肥到只有膏。 燒完之後，非常香口，好有豬肉味。
網燒雞腿肉 $68
雞腿肉已去雞皮。燒完後嘅雞肉非常香。 肉質滑嫩、彈牙，非常新鮮。
香蒜酒煮蜆湯 $88
蜆太少，個湯冇乜酒味，後而有好濃嘅蒜、胡椒同鹹味。另外，該店加入昆布喺蜆湯度，可以幫助解返剛食完牛肉嘅毒素出身體。
軟殼蟹青蘋果沙律 $88
青蘋果切到好薄片，非常新鮮爽口。蕃茄仔非常爽脆新鮮、軟殼蟹揸到金黃鬆脆。但係沙律菜比較遜色，可能唔係西餐廳，用嘅生菜及火箭菜無咁靚，有d苦澀味。
張貼
