寶哥火鍋味館 (已結業)

朋友推介食呢間，我地選A餐，仲送刺身，份量都幾多，夠一班人食。魷魚好好食，鮮甜不腥，肉質夠滑又易咬開。吞拿魚係厚切，無咩筋啖啖肉。叫左個寶寶雞煲湯底，因為太肚餓，一送到即刻食，雞件好多又新鮮，肉質結實，好惹味，而且味道唔會太咸太濃，做湯底一流。白鱔片係我最愛呀，無咩骨，非常爽口彈牙。一碟份量太少，次次都秒清，好在上菜速度夠快，加單好快到。黑豚肉原來係豬頸肉，大大條，爽口又有好香豬肉味。最後叫埋單時，靚姐拎左雪糕出黎，竟然係haagendaz，好驚喜呀，食埋杯雪糕真係好滿足。