就是偏偏喜歡你 (已搬遷) 新店位置

去過唔少打卡餐廳，唯獨呢間令我瘋狂影相。位於銅鑼灣中心位置，交通方便，入到門口已經望見粉紅花花世界的餐廳，充滿少女心，仲有特色的人名花牆，特色鳥籠座位等，仲有獨角獸🦄️，仲有浪漫的「就是偏偏喜歡你」💕餐廳名。座位闊落，坐得舒適，打卡位亦好多。因為我地係下午茶時間，叫左個花花英式下午茶套餐（星期六日須預訂）下午茶一到，我地即刻少女心上腦，因為個 TEA SET真係好精緻，擺盤用心，賣相十分吸引！忍不住又不停影相，手機食左輪先得。下午茶共分9款，上層為甜點，中及下層均為鹹點。🌸下層：鬆餅兩款＋煙三魚飽🌸鬆餅外形係薑餅人，好可愛，味道鬆軟可口，配以特制的黑桑子草莓果醬，唔會太甜。煙三文魚飽，份量好足，大大塊三文魚，配搭不同的蔬菜及芝士，味道好正！🌸中層：菠菜千層酥、龍蝦撻和素食粉絲卷🌸食材的設計富心思，分別用食材自然染上粉紅色及粉藍色，望落好浪漫和少女味，令人賞心悅目，真係秀色可餐！重點推介：龍蝦撻，幾好食，清新鮮甜，食到停唔到口。🌸上層：馬卡龍（兩款草莓及檸檬）、布朗尼朱古力、朱古力慕絲🌸馬卡龍入口鬆脆，一啖一口，淡淡的甜味，好岩香港人的口味！唔會死甜！另一款有檸檬的清甜，外脆內軟，口感豐富