影片
更多
2022-07-26
56 瀏覽
相信各位食開川菜的朋友都知道，要係香港食干鍋其實選擇唔多，而且入場門檻都比較貴，因為佢唔肯俾你只係叫1-2款餸菜，至少要叫你揀4-5款餸菜。而今日試下尖沙咀係首都廣場岩岩新開的<嫲嫲辣辣>。其實係5-6年前都曾經係深水埗食過一次，印象中都唔錯，但晚市價錢比較貴，今次就試下佢個午市。首先要講下價錢，係午市黎講未必話好平，但係干鍋黎講已經係門檻好低下，嗌3個餸都係$68蚊，而4個餸就$83蚊。餸菜方面選擇都算多，咁今次為左試食就叫左4個餸，分別係羊肉、大尾魷、花菜同埋篙筍。干鍋的特點係夠麻夠辣外，最重要夠香，同時唔會油淋淋的感覺。呢度的干鍋Size都幾大碗，上枱時都有香味，但稍嫌不足，而我之後即刻check 個碗底，都唔算話好多油，望落唔錯。之後試味，首先試肉類，羊肉整得幾惹味，最重要肉質唔鞋，比想像中有驚喜。大尾魷本身係街市買一隻都差唔多$40蚊，佢都俾左至少6-7塊，而肉質爽脆，證明夠新鮮，呢個價錢俾到呢個分量已經算係咁。最後試花菜同篙筍，我不嬲覺得花菜同干鍋係最佳配搭之一，因為佢較易掛汁，食落會更加香辣入味，但又未去到菜類過辣的情況。花菜味道合格，未話算炒得好香，不過
首先要講下價錢，係午市黎講未必話好平，但係干鍋黎講已經係門檻好低下，嗌3個餸都係$68蚊，而4個餸就$83蚊。餸菜方面選擇都算多，咁今次為左試食就叫左4個餸，分別係羊肉、大尾魷、花菜同埋篙筍。
干鍋的特點係夠麻夠辣外，最重要夠香，同時唔會油淋淋的感覺。呢度的干鍋Size都幾大碗，上枱時都有香味，但稍嫌不足，而我之後即刻check 個碗底，都唔算話好多油，望落唔錯。
之後試味，首先試肉類，羊肉整得幾惹味，最重要肉質唔鞋，比想像中有驚喜。大尾魷本身係街市買一隻都差唔多$40蚊，佢都俾左至少6-7塊，而肉質爽脆，證明夠新鮮，呢個價錢俾到呢個分量已經算係咁。最後試花菜同篙筍，我不嬲覺得花菜同干鍋係最佳配搭之一，因為佢較易掛汁，食落會更加香辣入味，但又未去到菜類過辣的情況。花菜味道合格，未話算炒得好香，不過都入晒味，送飯一流。而篙筍由於相對無咁入味，其實係作為解辣的作用，俾口腔休息一下。
個餐其實仲送一碗白飯同埋送豆漿或汔水，以價格黎講都無乜挑剔，想過下干鍋口癮時可以再黎食過!
張貼
