元気寿司 (荃灣廣場)

營業中

休息中

喺荃灣幾個商場行街行到攰，想搵個地方攤唞下，但又未到晚飯時間，於是決定食個下午茶，回一回氣先！見到元氣唔使等位，即刻入去！元氣有個幾抵食嘅下午茶，有幾款壽司套餐，再有唔同嘅小食自由配搭。我哋叫咗兩個餐，原本以為會好似餐牌嗰張圖咁樣，成個套餐嘅壽司一碟過上，但原來都係分開兩件兩件咁，用細圓碟上。都好嘅，睇落好似好澎湃咁！我哋主要食咗火炙壽司，小菜就叫咗茶碗蒸，炸番薯條。壽司正正常常，唔難食，亦唔算特別好食。小菜就差咗少少，食落偏鹹，不過呢個價錢都算經濟實惠嘅。