元気寿司 (荃灣廣場)

營業中

休息中

元氣壽司早期已推出平價下午茶，一個小烏冬配壽司培精蛋配一杯嘢飲， $60加埋一有找，所以我覺得真係好抵，簡直係窮人想食壽司嘅恩物，所以我每逢下午茶都會同屋企人過去食壽司。

日本芝士蛋糕 （1.5分)硬弸弸的，連叉子也很艱難才插得入，當叉子插入蛋糕後，拿起叉子就成件蛋糕也一同升起了。也怪不得等了十多分鐘才送到。最近兩次在壽司郎吃朱古力香莓芭菲，那些莓也是解凍不夠的。另一次，在點壽司吃的白桃芭菲，白桃大件但差不多沒有解凍的。看來不少壽司店的解凍功夫都有待改進了。山盛赤海蝦吞拿蓉軍艦 （3分）有赤蝦、吞拿魚蓉和些少三文魚子，好吃，不過紫菜淋了。濃厚生朱古力 （4分）朱古力也濃郁，質感幼滑。北寄貝沙律（2.5分）這個一般。飛魚子（2分）一般般的。葱香脆蒜海鮮（3分）不錯。元氣卷 （3分）外面大件的三文魚包着，入口也美味。蟹肉蟹膏（3.5分）蟹膏味比較出，蟹肉不算很多也一般。香水檸檬大切三文魚（3分）平宜又不錯。

=========燒物正常發揮==========================火炙三文魚油花充足，七味粉灑在面令肉多了一層口感==============================燒三文魚鮫等得較久，但燒得外皮微脆，內裏尚算嫩滑一份幾十蚊但份量，寧願去居酒屋消費==============================整體來譄OK

陳皮妹點名一家人👨‍👩‍👧‍👧去食元氣壽司🍣，可以睇高速線，元氣都有新嘢，日本🇯🇵甜薯餅唔錯，蟹🦀祭都出咗一堆蟹壽司🍣，陳皮二妹食烏冬，新出日本甜薯餅、蟹雙式-松葉蟹鉗蟹味噌

朋友生日唔知食咩好，見樓下有元氣就買咗啲上佢屋企當慶祝。雖然話佢唔係好平，但味道同質素方面又無真係講到咁差嘅。天婦羅手卷最好食。天婦羅都唔算細條，炸到外脆，裡面嘅肉都唔係話雪藏嘅感覺，而且啲飯放咗一段時間都keep到水準，呢個價錢算係咁啦。火灸同芝士嗰幾款都OK，因為有小朋友所以大部份都叫做熟食。整體嚟講都算鮮甜，而且溫度都適中，見到啲小朋友食到舔舔脷就知味道都可以。另外佢嘅沙律都幾好味，勝在份量夠大，而且蟹籽都係一大Pat放上去，唔會話得嗰幾粒，小朋友最鍾意。

因為晏晝多數都等唔到壽司郎，就去左食元氣，其實我覺得元氣唔差嫁，未有壽司郎之前其實好多香港人都會食元氣，我覺得元氣個價錢其實同壽司郎差唔多，但係份量真係細舊啲，所以性價比冇咁高，冇計啦，等唔到壽司郎想食壽司就係要食嫁啦，晏晝食我地都冇點好多刺身類既壽司，有啲都叫左啲熟既壽司，等位呢個其實只係等左10分鐘都冇，我地提早左去等位，最尾2個人加埋食左200幾蚊，人均100多少少，未係完全好飽但就岩岩夠🤣

食過好多次元氣荃灣呢間環境唔錯 坐得又幾舒服同埋排隊唔算多每次都好快等到座位芝士玉子燒好好味！個人非常鐘意！不過分量比較參差有時候切得好少 又唔平均不過味道都OK甜蝦同貝類一如既往唔錯三文魚就比較瘦油脂冇咁多但一次過食到唔同壽司都好滿足墨魚嘴分量好少同埋應該唔係即刻整上檯之後唔係太熱呢個唔推薦

放假日行下街，突然有少少肚餓，想食壽司但又想平平地，食元気下午茶就啱曬。一份下午茶有一份壽司和二份熟小食，對唔大食的人來說絕對夠飽。我要下午茶C餐、芝士薯條同茶碗蒸，味道有保證。60蚊埋單，值得食，但只有星期一至五，下午茶時段才有。

好耐無食壽司又唔想排隊所以落左去食估唔到依家都係有用QRCODE落單餐廳嘅座位都好闊落✨燒三文魚 $12 ✨脆蒜燒三文魚 $15三文魚肉質嫩滑🤪更鍾意搭上香脆的蒜蓉✨蟹肉蟹膏茶碗蒸 $23茶碗蒸非常滑嫩加入了蟹肉和蟹膏味道更加香濃😍✨軟殼蝦牛油果手卷 $20酥脆外殼包覆著軟殼蝦加上牛油果軟軟嘅口感🙈✨ 炸蝦卷$26鮮嫩的蝦肉加上酥脆的口感

食元氣食過無數次但呢間元氣一定要講一講荃灣廣場一向多野食呢間元氣就係B1 /F , 果到比較靜, 宜家樓底高好舒服好好行入到去環境又大間, 又乾淨, 店員又有善小朋友食得好開心! 係我去過咁多間最舒服既元氣店!元氣親民就係人都知, 無論價錢同質素, 又岩小朋友食咁多年黎價錢都咁合理, 係香港呢個咁高通脹既情況下, 有間坐得舒適, 又有質素既餐廳真係好難得所以我已經當左佢係我既飯堂!

想食元氣，其實長期都會有人排隊🤣同埋平時要返工，可以食嘅都係晏晝同埋晚餐嘅時間！今次見到呢度冇乜人排隊就即刻食，食小小都好🤣🤣 最後食飽左都叫左9 碟🤣佢出左個新既銀鱈魚， 係幾好食😁😁

勁開心！鰻魚奄列cute cute又好味😍秋意漸濃，期間限定推出多款時令食材，盡享最鮮滋味🍃🐟鰻魚奄列 $17以日本迷你奄列姿態登場！🍔 奄列鬆軟有蛋香，更包裹最愛嘅鰻魚片，肥美軟嫩❤加上濃厚四式芝士醬🧀，面層少少乾蕃茜碎，風味十足！🥢昆布漬平目 $22🤓選用北海道產平目魚柳，以原片北海道產真昆布，食鹽將魚柳保鮮處理😙肉質結實有嚼勁，昆布香氣滲入魚肉當中，魚香更濃郁~🥰最後以日本鹽昆布點綴，突出最純粹嘅平目滋味。🔥炙燒四重芝士珍寶虎蝦 $16虎蝦結實彈牙、味道清甜，淋上香濃惹味四式芝士醬炙燒🤩飽滿蝦肉吸收🧀「芝」味，香脆豬肉紙增添口感🐷加上黑胡椒調味後，香濃芝士醬與鮮味完美混合，令人欲罷不能！🌶脆辣吞拿魚卷 $15特別用上特調辣醬、香甜鰻魚汁、🧂辣椒油及麻油將切粒吞拿魚調味。松子搭配微甜醬油，微辛吞拿魚粒豐富惹味🤩飯卷以綠毛菜配搭🥑牛油果，悉心灑上白芝麻粒，味道清新💓同場更有北海道產帆立貝花之盛，🦐厚實彈牙醬油蝦，肥美高知縣產鰤魚藁燒鰤魚配🧄醬油脆蒜，菜式特別超驚喜！

前排好興食壽司郎，所以有一排冇食到元氣壽司，但係會員就快到期，所以為左續會就食返一次Genki Sushi。一黎到見到佢有款吞拿魚壽司做緊優惠，只係$12就有2件，如圖中所見，呢款吞拿魚壽司既級數唔係紅卜卜果款，肉質又唔會話好多榨，非常好味。仲有不得不讚元氣壽司既茶碗蒸，因為對比其他對手既茶碗蒸佢係足夠好多，蝦又大大隻。仲有都叫左好多唔同既壽司，三文魚，軟殼蟹，飛魚籽等等。前菜都有叫螺肉，非常好味。

𝟸𝟶𝟸𝟸 𝙰𝚞𝚐元氣壽司🍣 小朋友啱食既款式相對比較多 而且耐唔耐又推出新款~都驚喜~深得LU兄弟歡心今日小朋友上完堂, 我地又去食喇 今個8月, 屋太君同埋 德德有新既限定餐目🤩 #日式炸雞飛魚籽卷 🐥好似為Luca而設咁 ， 壽司同炸雞都係小朋友至愛Luca話：原來可以咁食架⁉️真正呀‼️日式醬油風味炸雞,搭配飛魚籽, 加埋帶酸甜嘅沙律醬最得小朋友心一定係 紫菜上仲印有可愛嘅屋太君同德德圖案 #四式芝士滑蛋章魚燒 用屋太君同德德嘅紙盒裝住, 好靚靚, 儀式感滿分章魚燒包住大大粒八爪魚粒香甜嘅滑蛋配搭微酸嘅豬排汁同沙律醬調味淋上惹味四式芝士醬🧀味道香濃 #麻糬今川燒 日本國民小食, 今川燒上面印左屋太君同德德嘅圖案，So cute cute , 入面煙韌嘅麻糬外皮配搭香滑濃郁嘅吉士醬外賣限定嘅🍱兒童壽司盛換咗新look下次要試呀#親子

🔖 今次去食荃灣元氣分店，位於荃灣廣場B1樓，地點方便。 今次試左佢地唔同類型嘅壽司，竟然驚喜不斷。佢地三文魚腩，非常芳香， 印象深刻。 💬 各款壽司炙燒大切三文魚腩，油脂分布於三文魚腩上，魚腩壽司表面仲有炙燒過，魚又脆香又滑滑。 辣味三文魚，辣味佈滿喺成舊壽司中，三文魚厚薄適中，再加上wasabi，兩種辣味相得益彰，互相配合。 極上吞拿魚三點(大拖、赤身、長鰭），呢個3件set，包含唔同嘅吞拿魚部分，大拖當然係最珍貴，油脂不過不失，有改善空間。 其他壽司都係係平均水準內，例如甜蝦蟹膏、長鰭吞拿魚。📝 總結壽司種類繁多，食物質素同價錢都中規中矩，每一道菜都有唔同嘅合適嘅混合。