小胖台灣便當 (德立大廈)

營業中

休息中

之前係觀塘食過【小胖台灣便當】覺得幾好食、今次同朋友經過唔知食咩，見價錢合理又可以坐下就去TST分店食左個lunch。士林鹽酥大雞腿便當：便當飯配時令配菜、所以日日都可能唔同。今次就包括炒粉絲、青菜、滷蛋、粟米同芋頭肉丸。鹽酥大雞腿超級無敵大隻、炸得非常酥脆又唔會好厚皮、而且裏面肉好juicy。台灣鐵路大排骨便當：配菜同大雞腿便當一樣，但主菜就變左鐵路大排骨，肉質好嫩、調味不錯，切到細細塊、好容易入口。懷念鹽酥雞：分量都算多，椒鹽味濃郁，炸得好香脆juicy。金萱烏龍：烏龍茶偏淡、不過都好解渴芙香蘋果茶：好香蘋果味，有少少微甜，非常特別