燒肉 JuJu

營業中

休息中

自從疫情之後、改變左生活習慣，好多餐廳好早就收工，有時候放工整完野或者上完堂已經無地方可以食飯。最近就發現左位於旺角既【燒肉JuJu】，成凌晨12先收，真係繁忙星人福音。燒肉壽喜燒日本A4和牛定食：定食可以選擇泡菜或日式沙律；味增湯或粟米濃湯；白飯、冷麵或者日本蛋紫菜飯。我就選擇左日式沙律、粟米濃湯同日本蛋紫菜飯。3大塊A4和牛，先沾滿壽喜燒醬汁再燒、包裹上蛋液再食。和牛既油脂雪花紋理好靚、搭配埋醬汁同蛋液、香濃creamy。配埋紫菜飯、簡直一流。配菜既沙律同湯一D都唔馬虎。壺漬原條蒜香豬腩定食：本身配明太子日本蛋烏冬、另外再選擇左日式沙律同味增湯。明太子日本蛋烏冬仲有紫菜、蔥同木魚絲，全部撈匀一齊食香濃惹味！蒜香豬腩燒到外面焦香、而肥膏肥油減少既時候、非常香口但又唔油膩。整體價錢合理、食物高質、有機會會再去。