影片
更多
2022-12-02
841 瀏覽
平時夜晚食餐日式鐵板燒，埋單每位都近一千蚊，但朋友推介嘅呢間日式鐵板燒店又真係好抵食，晚市二人套餐有四個價位，最平648/兩位，今次就揀咗呢個最經濟嘅大蝦餐🤩。 ❤沙律沙律細細碟好冰凍，有生菜同車厘茄，醬料用左日式酸汁，非常開胃。 ❤比目魚魚皮部分好香脆， 咬落有聲 ，油脂豐富， 肉質好嫩滑， 係我最鍾意嘅一道菜式😋。 ❤大蝦大蝦非常之厚肉，而且爽口彈牙🤗。值得一讚嘅係蝦頭已經開埋殼，唔使自己用手搣，食落非常之方便👍。 ❤安格斯牛肉安格斯牛肉切成一粒粒咁樣，一口一粒好容易食😲，而且配埋炸蒜片特別香口。 ❤味增湯味噌湯係有紫菜同埋滑豆腐粒喺入面，喺食完肉類之後上味噌湯，清一清口腔多餘嘅味道。 ❤野菜呢碟炒椰菜牛油味好重，未入口已經聞到牛油嘅香味，令人食慾大增🥰。 ❤炒飯滿滿嘅一碗炒飯，珍珠米炒到粒粒分明，金黃色咁樣賣相之吸引🤩，而且入面有櫻花蝦炒蛋同埋蔥花，再飽都食得曬🤣。
❤沙律
沙律細細碟好冰凍，有生菜同車厘茄，醬料用左日式酸汁，非常開胃。
❤比目魚
魚皮部分好香脆， 咬落有聲 ，油脂豐富， 肉質好嫩滑， 係我最鍾意嘅一道菜式😋。
❤大蝦
大蝦非常之厚肉，而且爽口彈牙🤗。值得一讚嘅係蝦頭已經開埋殼，唔使自己用手搣，食落非常之方便👍。
❤安格斯牛肉
安格斯牛肉切成一粒粒咁樣，一口一粒好容易食😲，而且配埋炸蒜片特別香口。
❤味增湯
味噌湯係有紫菜同埋滑豆腐粒喺入面，喺食完肉類之後上味噌湯，清一清口腔多餘嘅味道。
❤野菜
呢碟炒椰菜牛油味好重，未入口已經聞到牛油嘅香味，令人食慾大增🥰。
❤炒飯
滿滿嘅一碗炒飯，珍珠米炒到粒粒分明，金黃色咁樣賣相之吸引🤩，而且入面有櫻花蝦炒蛋同埋蔥花，再飽都食得曬🤣。
張貼
