影片
更多
2021-11-12
135 瀏覽
之前就嚟食過招牌串燒同全新壽司刺身餐牌！燒三文魚松葉蟹卷同山葵日山和牛肉卷等特色卷物味道都唔錯，所以今次就嚟試埋佢嘅Omakase！Omakase晏就同夜晚一樣價錢，人均千三蚊，做埋會員仲減多兩百！夜晚黎食CP值都幾高下，有好少見嘅瀨尿蝦壽司 同埋上枱時仲識郁嘅石垣貝。份量對於我黎講啱啱好，係舒服滿足嘅飽，大食嘅男仔就未必夠啦。———————————————⠀幸 • 廚師發辦 $1288/位 (會員 $1088/位)前菜和牛春卷｜梅酒番茄｜醋漬水雲刺身鮟鱇魚肝｜秋刀魚｜昆布漬北海道牡丹蝦壽司金目鯛 火炙左口魚邊 ｜深海池魚 北海道海膽｜筋子｜醋鯖魚｜瀨尿蝦｜石垣貝｜拖羅｜鮑魚飯湯立魚湯甜品抹茶卷蛋｜紅豆雪糕— — — — — — — — — — — — — ⠀⠀前菜和牛春卷｜熱烘烘嘅春卷外皮香脆，和牛口感比較似肉碎，肉味都幾濃，唔係唔好食，不過就同平時食開嘅和牛完全唔同感覺。梅酒番茄｜聞落真係幾香梅酒味，彈牙啫哩包住浸過梅酒嘅番茄，又幾得意。醋漬水雲｜滑捋捋嘅質地 好正！酸尾尾 作為前菜相當開胃，仲可以一清味蕾。刺身鮟鱇魚肝｜口感細滑，經汁煮味道較濃，毫
Omakase晏就同夜晚一樣價錢，人均千三蚊，做埋會員仲減多兩百！夜晚黎食CP值都幾高下，有好少見嘅瀨尿蝦壽司 同埋上枱時仲識郁嘅石垣貝。份量對於我黎講啱啱好，係舒服滿足嘅飽，大食嘅男仔就未必夠啦。
———————————————⠀
幸 • 廚師發辦 $1288/位 (會員 $1088/位)
前菜
和牛春卷｜梅酒番茄｜醋漬水雲
刺身
鮟鱇魚肝｜秋刀魚｜昆布漬北海道牡丹蝦
壽司
金目鯛 火炙左口魚邊 ｜深海池魚 北海道海膽｜筋子｜醋鯖魚｜瀨尿蝦｜石垣貝｜拖羅｜鮑魚飯
湯
立魚湯
甜品
抹茶卷蛋｜紅豆雪糕
— — — — — — — — — — — — — ⠀⠀
前菜
和牛春卷｜熱烘烘嘅春卷外皮香脆，和牛口感比較似肉碎，肉味都幾濃，唔係唔好食，不過就同平時食開嘅和牛完全唔同感覺。
梅酒番茄｜聞落真係幾香梅酒味，彈牙啫哩包住浸過梅酒嘅番茄，又幾得意。
醋漬水雲｜滑捋捋嘅質地 好正！酸尾尾 作為前菜相當開胃，仲可以一清味蕾。
刺身
鮟鱇魚肝｜口感細滑，經汁煮味道較濃，毫無腥味。
秋刀魚｜紫菜包住滿滿當造嘅秋刀魚！質地爽彈，略嫌有小小腥。
北海道牡丹蝦｜肥美鮮彈，經昆布漬後唔洗點豉油都已經好好食。面頭仲有好濃嘅蝦膏，略嫌蝦膏鹹香稍微蓋過左牡丹蝦嘅鮮甜。
壽司
金目鯛 火炙左口魚邊｜金目鯛軟滑，左口魚邊經火炙後油香滿溢，面頭嘅檸檬碎可以增添一絲清新嘅感覺。
深海池魚 北海道海膽｜海膽香甜creamy，池魚爽滑。呢個combo食落無想像中咁驚艷~
筋子｜成串筋子超壯觀！筋子無經急凍，一放入口，鮮味係口中大爆發，又唔會太鹹。
醋鯖魚｜肥美爽滑，經醋漬挺開胃。
瀨尿蝦｜瀨尿蝦壽司都係第一次食！塗上醬汁閃令令勁吸引！超多膏！不過食落就有少少乾。
石垣貝｜上枱嘅時候仲識郁架！超新鮮爽滑，更帶香甜餘韻。
拖羅｜經火炙嘅拖羅，油脂感好重！無筋，未到入口即融，但都幾乎唔需要咀嚼。
鮑魚｜鮑魚超腍超滑！底下嘅鮑魚飯 撈左creamy鮑魚肝醬同爽彈鮑魚粒，超正！
湯
立魚湯立魚經煎炒再熬煮數小時，湯呈奶白色，熱辣辣好暖胃，飲落就好有家的感覺。
甜品
抹茶卷蛋濕潤，茶味唔算好濃。反而雪糕有驚喜！紅豆味好濃，仲有啲紅豆粒。
張貼
