影片
更多
2025-03-01
21 瀏覽
同朋友仔去咗依間銅鑼灣兩層2千呎室內外兩層酒吧🔥上層係室內酒吧，有唱K舞台🎤。下層係空中花園，$388 可任食BBQ，一班朋友嚟嘅包場好正！我哋見天氣涼涼地，揀咗室外BBQ真係啱晒，係火爐旁邊暖笠笠😆見到一大盤嘢食真係好有驚喜！😍食材種類好豐富，有牛豬雞扒、秋刀魚、豬頸肉、腸仔、雞翼、各種丸類、腐皮魚肉卷等，仲有蔬菜類例如翠玉瓜、金針菇、粟米、大白菜等。肉類有調到味，好食喎！店內其中一個賣點係有得獎國際調酒師駐場。所以我哋當然要試吓佢哋嘅招牌cocktails！第一款cocktail係將花旗參釀入日本山梨威士忌🥃，真係估唔到有依個組合。花旗參香氣特出，同山梨威士忌嘅果香同甜味互相平衡，酒味濃郁，好喜歡😍。另一款cocktail 🍹帶柚子果香，清新中帶陣陣香甜，酒味香醇輕盈，非常好入口😋。兩款我都覺得好飲，有機會嘗試埋其他cocktails。逢星期四晚上會有Live Band。結他手係尹光AI歌曲 Dear Myself 嘅作曲人，下次就啱時間都想嚟聽Live Band。
下層係空中花園，$388 可任食BBQ，一班朋友嚟嘅包場好正！我哋見天氣涼涼地，揀咗室外BBQ真係啱晒，係火爐旁邊暖笠笠😆
見到一大盤嘢食真係好有驚喜！😍食材種類好豐富，有牛豬雞扒、秋刀魚、豬頸肉、腸仔、雞翼、各種丸類、腐皮魚肉卷等，仲有蔬菜類例如翠玉瓜、金針菇、粟米、大白菜等。肉類有調到味，好食喎！
店內其中一個賣點係有得獎國際調酒師駐場。所以我哋當然要試吓佢哋嘅招牌cocktails！第一款cocktail係將花旗參釀入日本山梨威士忌🥃，真係估唔到有依個組合。花旗參香氣特出，同山梨威士忌嘅果香同甜味互相平衡，酒味濃郁，好喜歡😍。
另一款cocktail 🍹帶柚子果香，清新中帶陣陣香甜，酒味香醇輕盈，非常好入口😋。
兩款我都覺得好飲，有機會嘗試埋其他cocktails。逢星期四晚上會有Live Band。結他手係尹光AI歌曲 Dear Myself 嘅作曲人，下次就啱時間都想嚟聽Live Band。
張貼
