Cielos (已結業)

呢間意大行菜館係銅鑼灣禮頓道，夠晒方便呀，餐廳好靚，好有裝修，有格調，同朋友情侶黎都好岩呀。先叫一個前菜意式黑松露美國頂級和牛他他🐮呢個真係好好好高級，和牛係生既牛肉，好嫩好滑，少少鹽去調味已經好夠，加上新鮮既黑松露片，味道好突出，仲有啲菜伴碟，幾特別幾清新既味道，好食！之後就係主菜$1288既1.2公斤美國德州USDA極佳級工骨牛扒🐄牛扒真係勁大勁厚，表面煎到香脆，但牛肉仍然好嫩，牛味真係好重，再點埋廚師特製醬汁，味道更加香，另外松露薯條都好香松露味，又夠熱又脆，雜菜沙律都好新鮮，好好食！