基地貳 (已結業)

餐廳有2層，上層設有270度環形屏幕，擋放着水母萬花等其他影像，如同置身雲海仙境。一邊聽着流行勁歌，昏暗既環境，有種係基地既感覺！​好型好正！生蝦刺身 $168生蝦刺身底層佈滿乾冰，涌出大量煙霧，好仙好夢幻😎。蝦肉超好味，勁厚肉，爽口彈牙，旁邊有泰式醬汁，好辣但又忍唔住沾，好惹味呀！軟殼蟹柚子沙律 $148軟殼蟹炸得金黃香脆而且唔會太油膩， 柚子肉又甜又多汁，配埋酸辣沙律汁，起左平衡作用，愈食愈開胃。冬陰公虎蝦卡邦尼意粉 $248估唔到冬陰功同卡邦尼可以咁夾！泰式同西式互相融合。意粉非常之掛汁，帶微辣，刺激味蕾。虎蝦都十分厚肉彈牙，好食指數爆燈😋。芒果班蘭糯米飯 $168甜品係第2個胃☻️！糯米飯整得好靚，一共分3層！底層糯米軟糯，中層係滿滿既芒果粒，超級甜。上層係斑蘭糯米飯加左啲椰漿，好香！仲要即叫即整👍🏻夠哂熱，滿滿泰國風情。咁relax既環境叫左2杯cocktail飲🍸Sweet Baby $118加左桃🍑檸檬🍋同埋蘋果🍎汁，好易入口，味道多層次感。Base No. $118加左菠蘿🍍調味，好清新。