影片
更多
2022-10-27
324 瀏覽
唔係第一次嚟幫襯喇，之前嚟食過lunch同dinner，今日又有機會舊地重遊，喺度食個lunch。雖然上次食lunch已經1年幾前，不過餐牌好似冇乜轉變。朋友點咗牛油果慢煮雞肉墨西哥卷，而我就食蘑菇手打意粉，lunch special係主食+20，可點部分咖啡飲品，而我哋就嗌咗Dirty。甜品我哋揀咗熱情果戚風蛋糕同冧酒提子焦香芝士餅。朋友話牛油果慢煮雞肉墨西哥卷睇落去已經覺得好食，雖然事後佢冇特別評語，但相信應該係同佢預期差唔多。蘑菇手打意粉的醬汁好濃稠，啱我的口味，我鍾意rich sauce，意粉掛汁後香濃咊美，而意粉裡面的蘑菇份量都幾可觀，所以每啖意粉都夾雜住好多蘑菇片，好滿足。雖然整碟意粉的份量唔算好大，但夠飽。Dirty 上到檯已冇咗層次，之後見到另一張檯食客點咗，而佢果杯就好清晰分明，唔知係咪我哋果2杯擺咗一陣先上檯的緣故呢？不過，Dirty味道唔錯，咖啡nutty，味濃，亦帶香味，飲落涼涼的，好提神。熱情果戚風蛋糕感覺輕怡，有軟綿綿又輕飄飄的感覺，蛋糕上面有幾粒熱情果籽，咬落去就有啲硬，不過可能會有人覺得脆卜卜幾特別既。我唔係好食到蛋糕的熱情果味，但整體嚟講，如果想食甜品
朋友點咗牛油果慢煮雞肉墨西哥卷，而我就食蘑菇手打意粉，lunch special係主食+20，可點部分咖啡飲品，而我哋就嗌咗Dirty。甜品我哋揀咗熱情果戚風蛋糕同冧酒提子焦香芝士餅。
朋友話牛油果慢煮雞肉墨西哥卷睇落去已經覺得好食，雖然事後佢冇特別評語，但相信應該係同佢預期差唔多。
蘑菇手打意粉的醬汁好濃稠，啱我的口味，我鍾意rich sauce，意粉掛汁後香濃咊美，而意粉裡面的蘑菇份量都幾可觀，所以每啖意粉都夾雜住好多蘑菇片，好滿足。雖然整碟意粉的份量唔算好大，但夠飽。
Dirty 上到檯已冇咗層次，之後見到另一張檯食客點咗，而佢果杯就好清晰分明，唔知係咪我哋果2杯擺咗一陣先上檯的緣故呢？不過，Dirty味道唔錯，咖啡nutty，味濃，亦帶香味，飲落涼涼的，好提神。
熱情果戚風蛋糕感覺輕怡，有軟綿綿又輕飄飄的感覺，蛋糕上面有幾粒熱情果籽，咬落去就有啲硬，不過可能會有人覺得脆卜卜幾特別既。我唔係好食到蛋糕的熱情果味，但整體嚟講，如果想食甜品又唔想有太大的罪咎感，咁戚風蛋糕就係一大推介。
冧酒提子焦香芝士餅入口已有酒香，好吸引，芝士餅軟滑，而焦香的部分焗得香之餘又唔若，幾好食，值得試下。
餐廳的環境同佈置乾淨利落，侍應服務勤快，上菜亦夠快。喺工作天嚟呢度食個lunch，都可以叉叉電。最後，我都幾鐘意呢度的咖啡，比附近Noc平少少，仲好飲啲添。
張貼
