樺得園 (已結業)

地址－樺得園 九龍城南角道5號地舖之前去左朋友家拜年，咁就去左附近的餐廳食下飯，佢呢間有個幾好的地方，就係有門口有D檯椅比人坐，咁帶住寵物的可以坐出面，唔錯。💋全日早餐(紐倫堡腸拼英式腸，煙肉，炒滑蛋，茄汁焗豆，炸薯餅，田園沙律及蒜蓉包)，首先講下蒜容包，佢焗到好脆身下，幾有蒜容味，腸仔方面有兩款都唔錯，咬落都有肉汁泌出，炸薯餅方面略嫌薯仔成份唔太高，提升一下比例會更佳，沙律佢個醬汁味道唔錯，配埋沙律菜一齊食幾好。💋西冷牛扒拼沙律配意粉，佢塊牛扒基本上都係A4級別(呢度係指厚度)，佢煎到有點過熟，唔好話咬，切都有點難度，好彩我朋友都幾大力下，至可以切得到，佢意粉得一小攝洋蔥係上面點綴下就算，令到意粉味道唔太夠，建議加一點醬汁會更佳。💋薑蜜茶包及蜜桃茶包，呢兩杯唔知係咪佢茶包問題，飲落有淡淡的薑味或者蜜桃味，如果味道濃一點會好好多。