Hungry Monkey (金朝陽中心二期 - Midtown) (已結業)

最近工作繁忙 , 好想搵一間酒吧放鬆一下 , 心情都開心d 😌幸好 , 朋友約我搵到一間位於銅鑼灣金朝陽中心二期地下既日本鐵板燒 , 標榜食材新鮮即叫即燒😋見到鋪頭名Hungary Monkey 自己個肚都感覺到咕咕聲🤣 首先一入門口就聽到動聽既音樂 , 環境舒適 , 天花同牆壁設計具有日本風格 , 係同朋友聚會chill吓既好地方 🍻前菜方面 , 頭盤沙津係蕃茄 , 加入左香葱蒜蓉 , 食起來味道甘香 , 提升左食慾😋酥炸雞心好特別，炸得脆卜卜👍✔️其次 , 酒吧有我最鍾意既松葉蟹肉甲羅燒 , 適逢食蟹既當造季節更有風味。新鮮蟹肉先以切絲細分 , 讓我慢慢品嚐 , 肉質鮮嫩 , 口感鮮甜 , 與蟹子同蟹膏再加小青瓜一齊食味道相當夾 , 感覺好正😍當然還有我至愛既精選生蠔 , 肉質新鮮肥美 , 再添加小量檸檬汁 , 令味蕾提升🤤💖托托蜆到肥美❤️燒得好香最後來個松葉蟹肉海膽炒飯，好滿足，炒得粒粒分明，海膽味鮮甜🍰甜品有日式蛋捲，揀咗香蕉朱古力味同芒果味，高質💯飲品方面 , 我選擇左小鮮肉 , 個名聽到都覺得好有趣😂飲落有香甜既芒果味 , 幾fresh🍹