影片
更多
2024-01-01
758 瀏覽
想chill住食韓國菜？Anju係一個好選擇。ANJU選址西九龍圓方演薈廣場頂層，店內嘅色彩繽紛嘅壁畫同醒目嘅霓虹燈牌風格獨特，充滿時尚感。開放式嘅設計望住出面嘅廣場，令空間感大增，感覺夠晒chill。未肚餓就叫杯嘢飲食個頭盤先。【Melona Mocktail】混合益力多、雪碧，搭配我最like嘅Melona 蜜瓜雪條，仲有幾片新鮮蜜瓜～ 【Soju Colada】以韓國燒酒調製嘅Colada，椰香同酒味平衡，好有夏日氣息～【醬油帶子鮑魚】將帶子鮑魚砌成圓型，上面加上紫蘇葉同三文魚子，好似個花圈咁。醬油嘅咸香同帶子鮑魚嘅鮮甜完美配合。【炸紫蘇葉豬肉餃子】餃子皮炸得香脆，裏面有好多紫蘇葉碎，混合香濃肉味和紫蘇葉清香，十分可口。蘸上芥末柚子辣椒汁，釋出另一番風味。【韓式炸雞】都幾大盤，外皮紅紅嘅因為炸完再混合糖、醋、辣椒醬同醬油去炒，甜甜哋又帶點香辣，雞肉又嫩又juicy，好高質。【韓式海鮮拼盤】之前喺美式海鮮餐廳食過嘅海鮮袋，估唔到喺呢度都食到。可自選湯汁同海鮮，我哋揀咗魚餅蘿蔔湯配北海道帶子、蜆、鮮鮑魚。全部海鮮都好大隻新鮮，魚餅蘿蔔湯吸收咗海鮮嘅鮮味更加鮮甜。然後就到兩款甜品【燕麥
ANJU選址西九龍圓方演薈廣場頂層，店內嘅色彩繽紛嘅壁畫同醒目嘅霓虹燈牌風格獨特，充滿時尚感。開放式嘅設計望住出面嘅廣場，令空間感大增，感覺夠晒chill。
未肚餓就叫杯嘢飲食個頭盤先。【Melona Mocktail】混合益力多、雪碧，搭配我最like嘅Melona 蜜瓜雪條，仲有幾片新鮮蜜瓜～ 【Soju Colada】以韓國燒酒調製嘅Colada，椰香同酒味平衡，好有夏日氣息～
【醬油帶子鮑魚】將帶子鮑魚砌成圓型，上面加上紫蘇葉同三文魚子，好似個花圈咁。醬油嘅咸香同帶子鮑魚嘅鮮甜完美配合。
【炸紫蘇葉豬肉餃子】餃子皮炸得香脆，裏面有好多紫蘇葉碎，混合香濃肉味和紫蘇葉清香，十分可口。蘸上芥末柚子辣椒汁，釋出另一番風味。
【韓式炸雞】都幾大盤，外皮紅紅嘅因為炸完再混合糖、醋、辣椒醬同醬油去炒，甜甜哋又帶點香辣，雞肉又嫩又juicy，好高質。
【韓式海鮮拼盤】之前喺美式海鮮餐廳食過嘅海鮮袋，估唔到喺呢度都食到。可自選湯汁同海鮮，我哋揀咗魚餅蘿蔔湯配北海道帶子、蜆、鮮鮑魚。全部海鮮都好大隻新鮮，魚餅蘿蔔湯吸收咗海鮮嘅鮮味更加鮮甜。
然後就到兩款甜品【燕麥奶布丁】奶香濃厚，口感極滑，配埋粟米片同柿子肉令味道同口感更豐富。【Affogato】又熱又濃嘅咖啡同冰爽嘅香甜雪糕帶來味覺衝擊。
太享受chill嘅感覺，叫多兩杯嘢飲先。嚟多次【Melona Mocktail】，不過今次就叫芒果味，配上一大片芒果，比蜜瓜味更抵飲；【Yuzu Virgin Mojito】就清甜冰爽，食完嘢飲又消滯又relax。
張貼
