California Pizza Kitchen (已結業)

20080616可能係星期一既關係, 唔需要等位, 一去到就安排左張四人桌俾我同男朋友兩個不過我地就坐唔到海景位, 可能係我地太遲去, 差唔多八點先去食, 不過都影響唔到我地兩個人食唔到好多, 淨係叫左香芒烤雞Pizza, 肉醬意粉, 同埋7up香芒烤雞Pizza: 我個人本來都唔太鍾意食以水果熱食既食物, 但哩個Pizza 真係令我改觀, 成個pizza 真係好惹味, 真係好食過pizzahut 多多聲肉醬意粉: 好夠蕃茄味, 岩哂我哩d 蕃茄痴, 再加左芝士粉係面, 真係好好味7up: 哩道既汽水檸茶係會有人幫你refill, 即使冇點飲品佢都會俾杯暖水, 同埋refill 既速度都幾快食物方面好好, 服務態度overall 都唔錯, 除左一個戴眼鏡既waiter我地睇menu 只係睇左2-3 mins, 佢就好似摧我地點菜, 係到話 「兩位需唔需要點d 飲品先? 」, 當我地食完佢黎收野既時候, 就 「2 位d 野食黎齊未, 需唔需要點d 甜品? 」, 態度唔係誠懇, 好似好rush 咁。我都明白出面係有人排隊, 只係我地都只係想好好enjoy our dinner