90s Lazy (山東街)

營業中

休息中

同朋友約旺角食飯，諗爆頭都係揀返呢間。地下接待小姐好靚女，晚上八點三去到唔洗等位可以直上二樓入座，十分好。可能因為我真係比較懶，揀咗同名大懶包嘅all day breakfast 食；朋友就揀咗卡邦尼意粉，再加咗件鵝肝多士。餐廳燈光同座位都舒服嘅，店內好多食客都係後生靚女，唔通呢間cafe係特別吸引靚女出末嘅？？？😂上菜都算快，我嘅大懶包同圖片一樣好大碟，雖然係好味，但份量好多，我食唔哂仲要朋友幫手清😂朋友嘅意粉睇落個汁都好夠濃稠，睇落好似好好味。係有少少唔好意思嘅係我地可能嚟得比較晏，9點last order後人地都要埋數同清潔，我地食完坐咗一陣先走，店員小姐都無趕客，禮貌同體貼真係好加分。