DAYS IN THE SUN

營業中

休息中

放假約fd 去cafe hea下，上網發現左一間幾特別既cafe，與別不同既系呢度有餃子食，而且系手工餃子！餃子配咖啡，系一個幾新穎既體驗，呢度既環境仲幾有大自然feel，放左好多花裝飾。Red Velvet Chocolate $52少見既飲品，朱古力味好香濃，飲落去又吾會太甜，而且拉花幾靚！Hazelnut Latte $45咖啡豆味香濃，飲落幾順滑。All the breakfast $128最愛pancake，外面煎得好脆，入面好軟熟同有蜜糖味，另外黑松露炒蛋都好食，黑松露味夠濃，炒蛋大大份又夠滑。餃子套餐 $108餃子可以揀2款口味，我就揀左黑松露三重芝士豬肉餃同三鮮豬肉餃。套餐仲包沙律同瑪德蓮蛋糕。個人覺得黑松露三重芝士豬肉餃最好食，因為佢放左好多黑松露入去，食落非常香，豬肉餡亦都爆滿，好足料！三鮮豬肉餃入面有蝦肉、韮黃同蛋花，同樣餡料十足，食完8隻已經好飽。香蕉蛋糕 $35自家製蛋糕，香蕉味幾突出，蛋糕濕潤軟熟。