Exotica Gelatea (已結業)

同朋友係銅鑼灣行完街 諗住一齊食埋野先返屋企 我就有啲想食Burger 但佢就食素既 正當我打算各有各食既時候 佢話附近有間餐廳可以滿足哂我地既要求餐廳位置雖然係時代廣場附近 但唔係好顯眼 而且店面面積較細 座位只有大約十多個我一黎就叫左個和牛漢堡 佢就叫左素漢堡 由於價錢都有少少貴 所以我地都只係叫左兩個包 無叫set價錢雖然偏貴 但質素的確唔錯 和牛漢堡肉味香濃 一咬已好juicy 配埋濃厚既車打芝士 唔洗5分鐘已經食哂 同埋個包size好大個 唔洗驚唔夠食素漢堡食落又幾似食緊肉咁 幾可亂真 味道亦唔錯 而且出面都好少見到 岩哂素食人士 值得一讚