三代目 (港運城)

營業中

休息中

完全唔好食，唔知點解可以有咁嘅岀品!而家香港餐飲業咁嘅時勢，其實真係唔想寫，但好想俾店主知道啲食物真係唔好食，希望佢哋會虛心改善。如果唔係越嚟越多人講：北上消費係有原因㗎！拉麵我叫左小辣，朋友叫左中辣，但個湯可以完全冇味，得個「油」字，但麵質係好食嘅，咁就嘥左啦～ 個軟殼蟹卷，就炸脆粉有陣油益味，飯又冇飯香，又係唔知食咗啲乜；叫左個海鮮天婦羅，有粒厚身好大粒嘅帶子，諗住好鮮甜啦，點知又係冇味嘅，兩隻蝦都係冇味，咁點多啲天婦羅汁啦，好嘢，都係冇味嘅👍🏻，塊紫蘇葉天婦羅係最好食㗎喇。嗰4條燒多春魚食完咁滯先上，條尾燒到黑晒，魚身燒到乾柴，唉，總之就食到一肚氣啦。