三代目 (港運城)

同朋友喺北角港運城搵食，試咗呢間「三代目」。一入去就覺得幾舒服，樓底夠高，裝修有種簡約日式格調，坐低傾計都唔會太嘈。今次叫咗三樣嘢，樣樣都幾有水準：鹽燒牛舌丼 ($108)：呢個幾有驚喜！牛舌燒得啱啱好，表面帶少少焦香，咬落去爽彈得嚟唔韌，鹽燒味簡單但夠突出。鋪喺熱辣辣嘅白飯上面，簡簡單單已經好滿足，份量對得住個價錢。壽喜牛肉鍋 ($268)：凍凍哋天時食呢個真係啱晒。個鍋份量幾足，牛肉片切得薄，煮完保持到嫩滑，吸咗甜甜哋嘅壽喜燒汁好入味。配料有鮮冬菇、秋葵同滑豆腐，煮耐咗都唔爛。最正係個湯底，甜鹹度平衡，唔會死甜，食到尾聲用嚟撈飯都仲得。海老天婦羅 ($78)：即叫即炸，上枱仲熱辣辣。炸粉好薄脆，咬落「索」一聲，入面嘅蝦肉爽口彈牙，冇雪藏味，證明幾新鮮。點埋旁邊嘅蘿蔔蓉天婦羅汁，更提鮮。總結： 如果想喺港運城搵間坐得舒服、食物穩陣嘅日式餐廳，三代目係個唔錯嘅選擇。特別係個鹽燒牛舌丼性價比幾高，壽喜鍋夠暖身又夠飽肚。服務都幾好，上菜速度合理，會考慮再嚟試佢哋其他丼飯。…查看更多

完全唔好食，唔知點解可以有咁嘅岀品!而家香港餐飲業咁嘅時勢，其實真係唔想寫，但好想俾店主知道啲食物真係唔好食，希望佢哋會虛心改善。如果唔係越嚟越多人講：北上消費係有原因㗎！拉麵我叫左小辣，朋友叫左中辣，但個湯可以完全冇味，得個「油」字，但麵質係好食嘅，咁就嘥左啦～ 個軟殼蟹卷，就炸脆粉有陣油益味，飯又冇飯香，又係唔知食咗啲乜；叫左個海鮮天婦羅，有粒厚身好大粒嘅帶子，諗住好鮮甜啦，點知又係冇味嘅，兩隻蝦都係冇味，咁點多啲天婦羅汁啦，好嘢，都係冇味嘅👍🏻，塊紫蘇葉天婦羅係最好食㗎喇。嗰4條燒多春魚食完咁滯先上，條尾燒到黑晒，魚身燒到乾柴，唉，總之就食到一肚氣啦。…查看更多

已經是第二次幫襯這裏，感覺環境舒適，服務人員也很細心，餐廳可以掃二維碼亦可以叫上職員點餐，今次就叫了的是套餐形式。。。首先來的是一個慢煮雞胸豚骨湯烏冬$133..(配蘋果汁)/(蛋蟹籽沙律)另加鰻魚小巻$25.(套餐)再加上一個蟹肉蟹籽小卷$34.不過就略嫌卷物卷得比較細一點，如果廚師手勢將較為捲得大一點覺得更為抵食⭐️⭐️⭐️自己就覺得最為喜歡，湯底比較淡（如果不偏愛重口味的人士第一首選）烏冬有韌性，慢煮之下的雞胸，也絕對不柴口⭐️⭐️⭐️⭐️另外豚肩叉燒拉麵$88.吃一口朋友的叉燒都不錯，湯底偏向較為濃一點☆☆☆☆ 由於北角這邊廂較為多長者關係，眼看都有好幾枱有輪椅的客人，最為抵讚便是覺得職員很貼心，看見鄰近席間伯伯用膳較為不便，主動呈上匙羹，這一點看得到他們對長者的友善！…查看更多

去左北角依間【三代目】食下午茶🤤下午茶係幾抵幾精緻嘅一個細嘅主食加一個小食同一杯野飲，🧡【T1溏心蛋醬煮豚肉丼】配青瓜小卷（3件）飲品：日本青森蘋果汁（細）（$58）🧡【T2芝士泡菜慢煮雞焗飯（細）】配雞蛋蟹籽蟹棒沙律飲品：荔枝培茶（凍）（$58）加配 鰻魚小卷（+$25）一黎到見到嗰主食係細到有少少嚇親😂不過食落又好似岩岩好嘅【溏心蛋醬煮豚肉丼】個煮豚肉好入味好香👍🏻加埋沾左醬汁嘅日本米飯好夾！溏心蛋正常發揮👍🏻【芝士泡菜慢煮雞焗飯】（細）觀感不錯，表面芝士焗得香脆重做到拉絲效果入面嘅泡菜大大塊爽脆雞肉就正正常常飯入面嘅汁質地有少少似打左芡，我本人對芡就普普通通加配嘅鰻魚小卷啲鰻魚係肉質彈牙嘅👍🏻青瓜卷都係正堂青瓜卷咁正常發揮😂雞蛋蟹籽蟹棒沙律差啲就大過個主食🤣同埋好足料嘅👍🏻而兩杯飲品之中我就喜歡荔枝培茶平時見多數係紅茶依個配搭清新嘅荔枝味配搭淡淡滲出黎嘅培茶香加埋唔太甜，幾好👍🏻日本青森蘋果汁就係正常青森蘋果汁嘅味對我黎講就甜左少少…查看更多

今日千里迢迢約咗朋友來到北角拎野～朋友介紹所以黎試下...芝士泡菜慢煮雞肉焗飯芝士夠香脆香濃，日本泡菜真係同韓國泡菜不同的，我平時好少食韓國泡菜，唔知點解這泡菜好食好多~雞蛋蟹籽蟹棒沙律雖然味道淡淡，但都豐富有營好味道～下午茶呢個份量剛剛好，果然是不錯的選擇…查看更多