影片
更多
2022-07-31
145 瀏覽
📍今日嚟到大埔搵食，之前聽過朋友話Noc Noc唔錯幾好食，價位又唔算貴，食完晚飯仲可以嗌幾杯嘢飲坐低同朋友傾吓計。不過而家入酒吧要有快測，大家如果近排去的話一定要留意啊！🔻另外環境都真係唔錯，成間餐廳暗暗地，成個天花板掛滿吊燈，場邊都有啲Vintage裝飾，枱枱凳凳都係用原木風格，風格統一。我哋坐個位可以直接見到吧枱，夜晚想傾吓計，或者同男女朋友浪漫一下，都真係有情調。枱面仲有蠟燭燈👆🏼👆🏼👆🏼🔻我地見到餐牌啲嘢食都唔貴，晚餐都係好似平時餐廳咁嘅價錢，絕對抵食！🔻1. 西班牙海鮮焗飯 （$138）啲嘢食好快就上枱，呢碟都可以算係我最鍾意食嘅。本來以為焗飯係好似平時有好多汁，下面係炒飯底嗰種。但呢個飯佢用蕃茄同三色椒燴，每一啖都有海鮮，魚、帶子、墨魚仔、青口。我最欣賞嘅係，海鮮味道真係融入左落啲飯到，蕃茄汁又可以吊味，真係啖啖惹味！不過最好就趁熱食啦，我哋當時等朋友等到耐少少，個飯面有啲凍，變咗一嚿嚿。佢一上到嚟熱辣辣冒煙，真係好難忍到口唔偷食㗎🫣2. 九層塔蟹油扁意粉配軟殼蟹（$108）我好鍾意食軟殼蟹，每凡見到Menu上面有就即刻試試佢，喺呢度當然都唔例外啦。🥰出面啲軟殼蟹有啲時候
不過而家入酒吧要有快測，大家如果近排去的話一定要留意啊！
🔻
另外環境都真係唔錯，成間餐廳暗暗地，成個天花板掛滿吊燈，場邊都有啲Vintage裝飾，枱枱凳凳都係用原木風格，風格統一。
我哋坐個位可以直接見到吧枱，夜晚想傾吓計，或者同男女朋友浪漫一下，都真係有情調。
枱面仲有蠟燭燈👆🏼👆🏼👆🏼
🔻
我地見到餐牌啲嘢食都唔貴，晚餐都係好似平時餐廳咁嘅價錢，絕對抵食！
🔻
1. 西班牙海鮮焗飯 （$138）
啲嘢食好快就上枱，呢碟都可以算係我最鍾意食嘅。本來以為焗飯係好似平時有好多汁，下面係炒飯底嗰種。但呢個飯佢用蕃茄同三色椒燴，每一啖都有海鮮，魚、帶子、墨魚仔、青口。我最欣賞嘅係，海鮮味道真係融入左落啲飯到，蕃茄汁又可以吊味，真係啖啖惹味！
不過最好就趁熱食啦，我哋當時等朋友等到耐少少，個飯面有啲凍，變咗一嚿嚿。佢一上到嚟熱辣辣冒煙，真係好難忍到口唔偷食㗎🫣
2. 九層塔蟹油扁意粉配軟殼蟹（$108）
我好鍾意食軟殼蟹，每凡見到Menu上面有就即刻試試佢，喺呢度當然都唔例外啦。🥰
出面啲軟殼蟹有啲時候就包裹得好多粉，有時候都唔知食緊粉定食蟹。我哋本身諗住呢度吧餐廳，對於熟食方面要求可能冇咁高，但有驚喜：
意粉煮得啱啱好，硬硬地再加啲香料、三色椒脆脆地，食落去幾有口感，比外面嘅餐廳一啲都唔輸蝕。
而且隻軟殼蟹唔會太多粉，而且炸到脆卜卜，拎隻叉落去會聽到聲嗰種。蟹身有肉，有油香，蟹鉗蟹腳脆，加上熱辣辣食，真係冇得彈。
🔻
3. 炸薯條 （$68）
我哋除咗主食之外，都嗌咗個薯條小食。
本身以為係就咁普通薯條，點知裏面摻雜一啲番薯條，有啲黃有啲金，望落去賣相唔錯。新鮮炸起外脆內軟，在點凍黑松露醬，好快就食晒成兜lu。
🔻
雖然餐廳嘅位置比較偏僻，喺大埔賽馬會診所再轉入少少就到，大家行開行埋不妨試吓呢間質素唔錯嘅吧餐廳😋
張貼
