影片
更多
2025-06-06
546 瀏覽
睇完史迪仔電影之後，對夏威夷產生咗濃厚興趣，想試試夏威夷風格嘅餐廳。香港人對夏威夷最熟悉嘅就係POKE，於是就決定睇完戲即刻去食。餐廳位置比較近尖東，但即使我九點先入座，座位都差唔多坐滿，證明佢有一定嘅口碑。一入到去，就見到啲植物迎接我，裝潢風格都幾有特色，例如其中一面牆上面畫有卡通圖案，但整體以水泥風為主，簡約又有型。餐廳採用QR Code點餐，不過都會提供實體餐牌，方便我哋唔需要睇得咁辛苦。喺食物方面，有自選材料嘅選擇，而且設計咗適合有選擇困難症朋友嘅套餐選擇。傳統嘅POKE係用刺身，但為咗照顧唔習慣食生嘢嘅朋友，佢哋亦有熟食版本，好貼心。我仲留意到有一個叫 “Ohana” 嘅選項，如果有睇史迪仔電影嘅都會知道「Ohana」原本就係夏威夷語，意思就係「家庭」或「大家庭」，除咗Ohana之外，仲有Aloha，係夏威夷人經常用作打招呼嘅你好咁解。原本我都想試個Ohana，但因為部份材料唔係幾吸引，最終就決定自己揀材料。我選咗壽司飯同沙律菜，再加上三文魚、青瓜、雞蛋絲、芝麻、海帶同鮮蟹肉。配料除咗辣粉外，全部都有放。餐點很快就上枱，雖然冇睇到沙律菜，但見到飯份量都幾足，所以就先食飯啦，如
餐廳位置比較近尖東，但即使我九點先入座，座位都差唔多坐滿，證明佢有一定嘅口碑。一入到去，就見到啲植物迎接我，裝潢風格都幾有特色，例如其中一面牆上面畫有卡通圖案，但整體以水泥風為主，簡約又有型。餐廳採用QR Code點餐，不過都會提供實體餐牌，方便我哋唔需要睇得咁辛苦。
喺食物方面，有自選材料嘅選擇，而且設計咗適合有選擇困難症朋友嘅套餐選擇。傳統嘅POKE係用刺身，但為咗照顧唔習慣食生嘢嘅朋友，佢哋亦有熟食版本，好貼心。我仲留意到有一個叫 “Ohana” 嘅選項，如果有睇史迪仔電影嘅都會知道「Ohana」原本就係夏威夷語，意思就係「家庭」或「大家庭」，除咗Ohana之外，仲有Aloha，係夏威夷人經常用作打招呼嘅你好咁解。原本我都想試個Ohana，但因為部份材料唔係幾吸引，最終就決定自己揀材料。
我選咗壽司飯同沙律菜，再加上三文魚、青瓜、雞蛋絲、芝麻、海帶同鮮蟹肉。配料除咗辣粉外，全部都有放。餐點很快就上枱，雖然冇睇到沙律菜，但見到飯份量都幾足，所以就先食飯啦，如果唔係就冇空間俾我撈埋啲配料，。由於有木魚絲點綴，賣相更有層次；三文魚切得又大又厚，甚至比骰仔仲大粒，食落去又多又滿足。蟹肉完全冇腥味，雞蛋絲切得好幼細。海帶只輕微調味，食落微帶海水味，三文魚則保持咗應有嘅鮮味，咬落去大塊肉感十足。醬汁我選咗柚子醬油醋，拌勻之後味道唔會太重，飯粒唔會過於腍軟，保持一定嘅彈牙。想再開胃啲，可以擠青檸汁，令成個味道更清新。
我特別推薦佢哋嘅炸蓮藕，好好食！炸得好脆唔油膩，入口好似健康版嘅薯片。我仲有個另類食法，就係將炸蓮藕整碎，配埋飯同三文魚等配料一齊食，咁就可以得出脆同軟嘅層次感。下次大家可以試吓呢個方法！另外，餐廳嘅下午茶都幾抵食，下次再嚟試吓。
張貼
