Akoya

營業中

休息中

位於寶勒巷 Akoya居酒屋🏮，裝修嘅時尚又保留傳統居酒屋風格，坐位寬敞舒適，係最岩同朋友坐下食下傾下聚腳地。先點沙律🥗同前餐前小食🥗沙律菜清新爽脆，個汁醋酸味適中，好開胃前菜。🥢明太子煎蛋卷，蛋卷睇倒已經覺得好滑溜，切開見倒好多明太子爆出來，入口明太子帶咸香跟玉子蛋香互相呼應，整體味道配合得唔錯。🥢海膽汁燒蠔，來自北海道嘅珍蠔，細細粒肉質肥美，口感creamy，入口散發蠔香；配合埋海膽汁，令鮮味提升。🥢刺身拼盤7點盛，刺身厚切，色澤鮮艷，尚算肥美；油甘魚我最鍾意，油花均勻，非常厚實滑嫩；甜蝦鮮甜，𡁻至起膠更加鮮甜。🥢豚軟骨蔥鹽汁燒，豚軟骨室煮至淋滑，軟骨部份熟至起膠狀態；拌菜嘅紫洋蔥同椰菜可以清新番口腔嘅油膩感。🍙明太子牛油燒飯團，飯圈外圍燒至微燶，味道極似食煲仔飯嘅飯蕉，非常蕉香又脆口，內埋軟糯。