協奏坊西餐廳

營業中

休息中

星期六日同公眾假期嘅三點到五點，佢哋都會有下午茶menu, $180一個人在家人，都算幾多嘢食，除咗包一杯咖啡或茶之外，都有10款嘢食！嘢食有煙三文魚卷青瓜忌廉芝士，意大利風乾火腿蜜瓜，鵝肝mousse配青瓜，水牛香辣雞翼，炸芝士條，英式鬆餅配奶油忌廉，熱情果芝士蛋糕，忌廉泡芙，得特濃朱古力mousse蛋糕同意式奶凍配士多啤梨汁。茶就可以揀薄荷茶，甘菊茶，英式早餐茶同伯爵茶。鍾意呢度係鹹甜各一半，男士都啱食，水牛香辣雞翼真係係好香口，又夠辣，好食！致於甜點我覺得最好食就係個英式鬆餅，佢用得足夠多嘅牛油，所以都好鬆軟！另外覺得呢度坐得好舒服，約埋朋友嚟慢慢傾偈好適合，裝修都幾靚！