Patisserie Tony Wong Dessert Cafe (已結業)

Afternoon Tea Set for two HK$358，免加一。十分欣賞呢個免加一，因為完全無service可言。.自助式服務，享受tea set前要自行去cashier落order同比晒錢，好似去啲連鎖快餐店消費咁既模式；另外每張枱放既menu張紙已好霉好污糟。樓面係無waitress，全部人都集中係cashier內，拎餐具自助式會拎得比較快。.1pm就可以入值，當時三枱客人，但其中一枱不斷大聲跨枱傾偈；cashier 位又不斷準備餐飲食品，嘈吵聲二重奏咁嘈足全程。餐廳內部又放左大黑色垃圾袋既垃圾、三大個放物資膠箱同埋一堆板咁堆係餐枱旁邊，環境上超差，一啲都唔享受食afternoon tea。.食物上，甜品多過咸點，驚多於喜。咸點係超微暖，有待改善。作為甜品大師，甜品亦無咩可讚既items。上枱食物同menu又不一致，但waitress亦無介紹下，全自助憑味蕾感應。.Max可以坐90mins，但環境嘈，食物一般情況下，以45mins拿拿林食完就走了，CP值低，十分失望。